×

Atenção

JUser: :_load: Não foi possível carregar usuário com ID: 422

JUser: :_load: Não foi possível carregar usuário com ID: 430

Eskola 5 de Maiu Aplika Regra Rigorozu

By Fevereiru 02, 2017 1792
Estudante sira Estudante sira

DILI: Hare ba lala'ok dixiplina husi estudante sira iha eskola Ensinu Sekundáriu 5 de Maiu Bekora ne'ebé durante ne'e  la'o ladún di'ak, maka husi diresaun Profesór estabelese regra rigorozu.

Regra ne'e profesór sira rasik kria no la hetan orientasaun husi Ministériu Edukasaun tanba tuir profesór sira  nia observasaun katak durante ne'e estudante barak maka la iha dixiplina iha oras eskola nian.

Aproveita iha tinan foun, ho vontade foun, hanoin foun no planu foun  maka profesór sira mos halo mudansa rasik ba regra eskola nian, mudansa ba oras  ne'ebé bele eduka di'ak liu tan estudante sira iha parte dixiplina.

“Planu ne'ebé maka ami estabelese, dadeer tuku 7:30 estudante hotu iha ona eskola laran.  Estudante neebe mai tarde maka sei la loke Portaun, no ami konsidera  hanesan injustifikasaun”, dehan  diretór Eskola Ensinu Sekundária 5 de Maiu Manuel  Verdial ba INDENPENDENTE Tersa foin lalais nee iha nia knaar fatin Bekora.

Molok atu aplika regra ne'e moos profesór sira husi eskola ne'e halo ona konsulta públiku ho inan aman sira liu husi enkontru iha eskola refere.

Profesór sira mós foti hotu númeru kontaktu no enderesu ka hela fatin estudante ididak nian atu nune'e bainhira estudante ida falta profesór sira kontaktu direita ba inan aman sira hodi husu klarifikasaun loloos.

Verdial esplika kona ba  regra iha eskola ne'e maka, bainhira  estudante ida falta eskola dala tolu sei tolera,falta semana ida presiza  informasaun husi estudante, ezemplu hetan asidente  ou moras ruma, eskola presiza karta atestadu médiku.

Buat hirak ne'e husi parte eskola nian sei iha toleránsia maibé,  liu ida ne'e maka husi eskola sei fo sansaun hanesan haruka estudante sira hola simente ka batako hodi hadi'a eskola.

Razaun husi regra rigorozu ne'e tanba hare ba esperiénsia katak, estudante barak la iha konsiensia ba regra sira ne'ebé estabelese tiha ona.

Iha estudante barak maka sei mangame no nakar, bainhira estudante falta profesór sira hakerek karta hodi bolu inan aman sira maibé estudante la entrega. Tanba ne'e maka profesór sira tenke foti duni númeru kontaktu inan aman nian no moos tenke aplika duni sansaun ne'ebé maka todan atu nune'e bele eduka diakliutan estudante sira iha eskola refere.

Rate this item
(0 votes)

Independente Digital TV