×

Atenção

JUser: :_load: Não foi possível carregar usuário com ID: 428

Komandu PNTL sei Simu Medalla Nivel Aas

By Marsu 24, 2017 1991
Komandu PNTL Julio Hornai Komandu PNTL Julio Hornai

DILI:  Prezidente Repúblika nu’udar mós Komandante Supremu, Taur Matan Ruak sei fó kondekorasaun medalla nivel aas ba Komandu Polisia Nasionál Timor-Leste (PNTL) iha sira  nia aniversáriu ba tinan 17 ne’ebé sei selebra iha 27 Marsu 2017.

Kondekorasaun ne’e hodi rekoñese servisu PNTL nian ne’ebé hahú forma hosi tinan 2000 too mai agora hatu sai forsa ne’ebé dixiplina no implementa lei no orden tuir konstituisaun RDTL.

Iha ho aniversáriu tinan 17 Komandu PNTL ho membru tomak hasoru obstaklu no dezafiu oin-oin, maibé Instituisaun PNTL kontinua servisu hamutuk ho povu TL hodi hametin seguransa iha nasaun ne’e.

Prezidente Komisaun Organizadora, Inspetór Jerál PNTL, Superintendente Xefe Carlos Jerónimo dehan, PR Taur Matan Ruak sei fó medalla kondekorasaun ba Komandu Jerál PNTL  hodi fó valór ba servisu PNTL nian tomak.

“Kondekoral ne’ebé ita Na'i Prezidente da Repúblika (Taur) fó ba Komandu Jerál durante ne’e haree ba prestasaun servisu komandu nian,”  dehan Komandante Carlos ba Jornalista iha Kuartél PNTL Kaikoli Dili, Kinta (23/3)

Carlos dehan, durante ne’e K-PNTL toma nia responsabiliza konsege rezolve konflitu no atua situasaun  ba problema violénsia, kazu krime droga no kazu seluk ne’ebé mosu iha povu no estadu nia leet.

Tuir nia katak, PNTL agradese tebes mezmu halo servisu kada unidade komandu ida-idak hasoru problema, maibé estadu la taka matan hodi kontinua suporta no dezenvolve Instituisaun seguransa ne’e la’o ba oin ho neineik, mais beibeik ba oin.

Nia dehan, membru PNTL no komandante PNTL lubuk ida mós sei hetan promosaun ba sira nia diviza.

Oras ne’e daudauk PNTL hala’o treinamentu makas hodi festeja sira nia vitória ba tinan 17.

 

Rate this item
(0 votes)

Independente Digital TV