Segunda, 26 Outubru 2020 | Login
×

Atenção

JUser: :_load: Não foi possível carregar usuário com ID: 428
Maria Vitoria "MarVi" Maria Vitoria "MarVi" Foto Independente

Hasoru Malu ho Marvi, PR Taur Husu Artista Timoroan Unidade

DILI:Prezidente da Repúblika (PR) Taur Matan Ruak husu ba artista Timoroan hotu tenke serbisu  hodi dezenvolve muzika no hadia vida arstida Timoroan ho di’ak.

“Para imi tenke serbisu hamutuk labele hanoin ba ida-idak buka ninian, hanoin mos Timor, para imi tenke serbisu hamutuk se imi hakarak la’o ketak imi mate fatin,” dehan PR Taur ba jornalista sira bainhira  hala’o enkontru ho Artista Dandut Akademia Asia 2 (DAA2), Maria Vitória ho nia kolega sira iha Palasiu Prezidente Aitarak Laran-Dili.

Nia fó ezemplu hanesan uluk funu hasoru inimigu ida mesak ne’e labele, maibé Timoroan hamutuk mak manan funu hodi hetan Indepensdensia rai ida ne’e.

“Hanesan mós uluk ita funu ita hamutuk mak ita manan ida mesak too metru 10 labele ona bele liu oituan de’it labele ona,” dehan nia.

Entretantu fó hatene ba artista sira katak, kuandu sira lakohi unidade Estadu ho Governu sei la apoiu, tanba hanoin de’it sira  nia interese la’ós lori nasaun nia naran.

Nia hatutan, estadu  iha komitimentu atu apoiu sira bainhira sira unidade bele serbisu hamutuk lori Timor -Leste nia naran iha mundu internasional.

“Ha’u dehan ba Marvi ho ho Komisaun organizadora ho Sekretadu Estadu Juventude no Desportu (SEJD) Leovegildo da Costa Hornai defaktu ida ne’e SEJD akompaña imi tanba de’it simu imi iha Aeroportu membru Governu na’in tolu ne’e hatudu katak, estadu atu apoiu imi,” dehan nia.

Entretantu iha parte balun mós governu sei tau importansia, maibé tenke serbisu lori nasaun ne’e nia naran. 

Nia dehan kuandu artista sira la’o fahe malu, estadu no governu sei la tuir ka sei la apoiu.

“Se imi la’o ketak ami sei la tuir imi ida-idak, se imi hakarak imi nia aktividade ne’e too rohan tenke hamutuk,” dehan nia. 

Marvi Fanun Governu Hadia Situasaun Arsita Timor

Iha fatin hanesan Artista DAA2, Maria Vitoria apresia ho motivasaun ne’ebé PR Taur  hato’o hanesan mensajen importante ba arstista hotu.

Marvi dehan ba PR katak,  arsita Timoroan sira tenke iha unidade ne’ebé di’ak atu nune’e bele hetan susesu di’ak liu tan iha futuru mai.

Entrentatun, Sekretariu Estadu Juventude no Desportu (SEJD) Leovegildo da Costa Hornai dehan PR Taur agradese no kongratula Maria ne’ebé durante fulan rua nia laran iha Indonézia lori nasaun Timor Leste nia bandeira  kompete ho bandeira nasaun ASEAN iha muzika DAA2.

Maria mai husi familia simples maibé, iha komitmentu boot ho nia talentu hodi fanun governu bele hadia vida arsita Timoroan sira hotu.

Nune’e mós PR ho PM Rui hala’o enkontru ho familia Maria Vitoria nian para husu pozisaun familia nian orienta mai governu.

“Ami liu-liu ministeriu ne’ebé tutela hola responsabilidade ne’ebé konkretu la’ós de’it ba MarVi jeral ida ba planu ida ne’ebé atu dezenvolve mundu artista nian,” dehan Leovegildo. 

Leo dehan, governu rasik enkontru ho familia sira hodi deskute kona- ba Maria nia vida atu kontinua eskola iha Timor ou rai liur dependen ba familia no Maria.

“Desizaun mai husi familia importante mak governu labele impoin tenke asegura kona ba psikologis sosial komunidade nian,”tenik nia. 

Governu Sei Kria Lei ba Artista 

Iha parte seluk, Leo dehan governu sei halo lei ida ba artista Timoroan sira hotu. atu nune’e sira labele kopia ema seluk nia muzika hodi kanta fali.

“Ita koalia kona ba lei, ko’alia kona ba politika ko’alia kona ba planu komitmentu atu halo buat sira ne’e hotu,” dehan Leovegildo

Atu kria lei ne’e, SEJD sei hamutuk ho Ministeriu Edukasaun, Ministeriu Turizmu Arte no Kultura, no SEM.

Read 937 times Last modified on Kuarta, 25 Janeiru 2017 19:17
Rate this item
(1 Vote)