Segunda, 24 Juñu 2019 | Login

Latest News

Lú Olo Soe Piada Ba PN

Segunda, 01 Outubru 2018 14:51 Written by

DILI: Hataan ba reasaun Parlamentu Nasionál nian ne’ebé la aseita viajen Xefe Estadu nian ba partisipa reuniaun Asembleia Jerál Nasoins Unidas, iha Novaiorke, Prezidente Repúblika soe hela piada ba deputadu sira.

Comment

Opozisaun Ezije Harii Ekipa Inkéritu Parlamentár

Segunda, 01 Outubru 2018 14:44 Written by

DILI: Orsamentu Jerál Estadu (OJE) hetan ona promulgasaun husi Prezidente Repúblika, tanba ne’e antes halo pagamentu ba projetu Estadu ho osan ne’e opozisaun ezije harii ekipa inkéritu parlamentár hodi halo verifikasaun.

Comment

Eleisaun Komisáriu KAK Adia Ba Dala Haat

Sexta, 21 Setembru 2018 10:11 Written by

DILI: Eleisaun ba Komisáriu Komisaun Anti Korrupsaun (KAK) meza Parlamentu Nasionál deside adia tan. Hoi da ne’e ba dala haat, tanba bankada boot rua hanesan FRETILIN no partidu bloku Aliansa Mudansa ba Progresu (AMP) seidauk iha konsensu hodi hamosu figura konsensual.

Prezidente Bankada Partidu Unidade Dezenvolvimentu Demokrátiku (PUDD) António de Sá Benevides hatete, Komisáriu KAK ne’e importante tebes hodi lidera instituisaun independente ne’ebé foka liu ba krime korrupsaun nian.

“Ita seidauk bele hili komisáriu KAK tanba bankada AMP no FRETILIN seidauk iha konsensu, tanba ne’e eleisaun adia beibeik”, dehan nia, iha Uma Fukun PN, horisehik.

Governu harii ona KAK maibé superiór atu foti desizaun ne’e laiha sei implika ba instituisaun ninia funsionamentu bazeia ba lei, ninia estatutu rasik ne’ebé dehan atu halo prevensaun no kombate korrupsaun.

Tanba ne’e, hein katak bankada partidu FRETILIN no bloku AMP bele buka meius oinsá hamutuk hodi buka konsensu atu hili ona ema ida atu bele ba jere KAK.

Karik Bankada boot rua ne’e laiha konsensu sei implika ba prosesu konstrusaun Estadu tanba agora daudaun ne’e Timor hakarak atu adere mós ba ASEAN, sira mós haree hela vontade governu atu kombate korrupsaun to’o iha ne’ebé.

Iha fatin hanesan, Vise-Prezidente Bankada FRETILIN, Francisco Branco hatete, sira deklara beibeik ona katak ema ne’ebé atu sai komisáriu KAK ne’e propoin husi governu no deside husi PN, maibé hakarak hamosu figura konsensual husi bankada parlamentár.

Tanba ne’e, FRETILIN sei hili ema ida ne’ebé mai husi majistradu ka juis ida. Iha figura na’in rua ne’ebé governu aprezenta ida rezigna-aan ona. Tanba ne’e, FRETILIN buka ema ida ne’ebé mai husi Prokuradoria Jerál Repúblika ne’ebé baibain halo ona akuzasaun ba ema atu bele entende ona servisu KAK nian.

“Ami iha ona planu semana oin sei envia kandidatura ida ba Governu atu propoin ema na’in rua mai iha PN, atu nune’e ita bele ba votasaun ona hodi hili Komisáriu KAK”, dehan nia.

Kandidatura KAK ne’ebé FRETILIN envia ba iha Governu ne’e mak kuandu sira la simu ne’e sei dada naruk tan prosesu ne’e. kandidatu ne’e mai husi majistradu judisiáriu maibé seidauk bele publika naran.

Iha fatin hanesan, Vise-Prezidente Bankada CNRT, Patrocínio Fernandes hatete, prosesu ba eleisaun Komisáriu KAK nian tuir lei tenke prienxe kuorum ¾ ka 48 deputadu prezente.

“Dalan atu ba hili komisáriu KAK ne’e dalan ida mak ita presiza halo revizaun ba lei KAK ne’e rasik”, tenik nia.

Atu halo konsensu ne’e oinsá karik bankada sira seluk la nakloke tuur hamutuk hodi ko’alia ba malu prosesu aprosimasaun halo ona ho FRETILIN maibé resposta mak dehan ‘depois mak haree.

Tanba ne’e, ba oin Governu atu propoin tan ema ruma mai fali kontinua ba prosesu votasaun, importante ema ne’e iha integridade no iha kapasidade atu jere instituisaun KAK ne’e rasik.

Comment

Popular News

KOVALIMA: Partidu Demokratiku PD Kompromete sei kria banku movel hodi…
DILI: Movimentu Estudante Universitáriu Timor-Leste (MUTL) kontinua husu ba Parlamentu…
LAGA: Partidu Demokratiku PD kompromete sei konstrui portu laga hodi…
VIKEKE: Sekretáriu Jerál partidu FRETILIN, Mari Alkatiri hateten, eleisaun antesipada…