Prezidente PN Seidauk Simu Karta Petisaun Kona-ba Prado Featured

By Jacinto Xavier Jullu 10, 2018 900
Presidente Parlamentu Nasional, Arao Presidente Parlamentu Nasional, Arao

DILI: Movimentu Estudante Universitáriu Juventude Timor-Leste (MEUJTL) hatama ona karta petisaun kona-ba karreta Prado ne’ebé eis-deputadu sira sei uza, iha fulan Juñu liubá, maibé to’o agora Prezidente Parlamentu Nasionál (PN) to’o oras ne’e seidauk simu informasaun ruma kona-ba ida ne’e.

Antes ne’e, Prezidente MEUJTL, Eldino Sama-luli hatete, estudante no juventude, iha loron (9/6), hatama karta petisaun kona-bá karreta Prado.

“Ami hatama ona karta petisaun husu sira atu foti desizaun hodi dada hikas karreta ne’e imediata, kuandu laiha mak ami prontu halo manifestasaun populár iha tempu badak”, dehan nia.

Tanba ne’e, reprezentante MEUJTL, iha Kinta (5/7), ba Uma Fukun PN hodi cross cheek karta petisaun ne’e, maibé sekretariadu PN hataan katak lori ona ba ona gabinete Prezidente PN.

Hataan ba kestaun ne’e, Prezidente PN, Arão Nóe de Jesus hateten, to’o oras ne’e nia-rasik seidauk simu karta petisaun estudante sira nian.

Karik iha karta ne’e nia konteúdu kona-ba karreta Prado, entaun oras ne’e daudaun tau ona ajenda atu diskute iha Konsellu Administrasaun PN, tanba ne’e públiku hein nia rezultadu finál.

Antes ne’e, nia promete katak tempu badak nia laran sei esforsu aan hodi dada hikas karreta hirak ne’e mai iha PN hodi halo jestaun.

Rate this item
(0 votes)

Independente Digital TV