Kinta, 17 Agostu 2017 | Login
Aderito Hugo Aderito Hugo

CNRT Lakohi Inventa Senáriu Featured

DILI: Partidu Congresso Nacional Reconstrução Timor-Leste (CNRT) lakohi ko’alia kona-ba senáriu oioin ne’ebé atu mosu. Maibé, partidu segundu mais votadu iha eleisaun lejizlativa 2017 ne’e, hakarak atu formasaun governu foun tenke tuir orden konstitusionál.

Deputadu Partidu CNRT, Adérito Hugo da Costa hateten, orden konstitusionál nu’udar matadalan ba prosesu formasaun governu, tanba ne’e labele inventa senáriu sira ne'ebé fora husi mandatu konstitusionál nian.

“Ko’alia kona-ba formasaun grande governu inkluzaun, unidade nasionál ne’e ha'u rona ona iha tinan 2007, agora kontinua ko’alia… di'ak liu karik ita tuir orden konstitusionál mais fasil no simples”, dehan nia, iha Uma Fukun PN, horisehik.

Nia hatutan, durante iha períodu kampaña eleitorál mai to’o eleisaun rezultadu hatudu katak laiha partidu ida mak manan maioria absoluta. Signifika povu nia fiar ba partidu hotu-hotu ne’e la másimu.

Ne’e duni, husi konfiansa povu nian fó hela mensajen ba lider partidu hotu atu bele hamutuk forma governu ne'ebé tuir regra no orden konstitusionál hodi bele responde mensajen povu nian iha tinan lima oin mai.

Liu husi povu nia asaun sira ne’e fó mós hanoin ba governante hotu oinsá atu bele hamutuk hodi forma governu ida ne'ebé di'ak liu hodi dezenvolve povu no nasaun ne’e iha futuru.

Read 1646 times
Rate this item
(1 Vote)
  • MidAd1
  • Heineken Klaran
AdBottom1