×

Atenção

JUser: :_load: Não foi possível carregar usuário com ID: 425

JUser: :_load: Não foi possível carregar usuário com ID: 428

Taur Enkoraja Komunidade Labele Ta'uk Alkatiri-Xanana Featured

By Fevereiru 15, 2017 4036
Xanana, Alkatiri ho Tau Matan Ruak Xanana, Alkatiri ho Tau Matan Ruak

OEKUSI: Prezidente Repúblika, Taur Matan Ruak enkoraja nafatin komunidade sira, liuliu povu Rejiaun Autónoma Espesiál Oekusi-Ambenu (RAEOA) sira atu brani ko’alia sai bainhira sira hasoru problema ruma.

Ema ne’ebé komunidade sira hasoru ne’e maski Mari Alkatiri ka Xanana Gusmão mós populasaun sira labele ta'uk, tanba sira iha direitu halo hato’o sira ninia lamentasaun no preokupasaun bainhira hetan violasaun.

“Jornalista sira atu entrevista ho komunidade Oekusi dehan ta'uk lakohi ko'alia. Tanbasá imi ta'uk? Imi ta'uk Alkatiri ka Xanana? Ou imi nia diretór sira iha ne’e?” dehan PR Taur, bainhira halo diálogu ho komunidade Suku Usitasae, Sub Rejiaun Administrativu Oesilu-Oekusi.

Nia hatutan, iha Rejiaun Oekusi kuandu iha unidade no brani atu ko'alia iha oin, labele ko'alia ba malu iha kotuk-kotuk fali.

PR Taur reforsa, uluk iha tempu portugés iha moradór, agora ukun-aan hotu-hotu hanesan de'it.

Nune’e, Xefe Estadu husu ba komunidade Atoni atu servisu hamutuk hodi dezenvolve rejiaun ne’e. Suku bele ketak-ketak, partidu bele la hanesan, maibé vizaun atu lori rejiaun ne’e ba oin hanesan.

Estadu ne’e sei foun, tanba ne’e husu ema hotu ninia kontribuisaun atu bele dezenvolve di’ak liután. 

Rate this item
(0 votes)

Independente Digital TV