Sábadu, 19 Setembru 2020 | Login
Negosiante abulante iha Dili. Foto INDEPENDENTE Negosiante abulante iha Dili. Foto INDEPENDENTE

SEKOOP Sei Apoiu Karosa Ba Negosiante Ambulante

DILI: Sekretariu Estadu Kooperativa (SEKOOP), Elizario Ferreira hatete, atu hadia ekonomia povu ki’ik sira, SEKOOP sei fasilita karoza ba negosiante abulante hamutuk kuaze 400.

Iha loron, 21 Jullu 2020 SEKOOP realiza ona enkontru ho negosiante ambulante sira no iha altura ne’ebá negosiante lubuk ida maka partisipa iha enkontru refere, ne’e duni SEKOOP hahú trasa ona nia planu hodi fasilita karoza ba negosiante sira.

“Negosiante ne’ebé asesu ba karosa roda tolu sei sai hanesan membru kooperativa, bainhira sira iha problrema ruma kona-ba sira nia osan rasik, entaun sira bele asesu fali iha kooperativa nian importante mak tenke asegura,” dehan Sekertariu Estadu Elizario bainhira remata enkontru ho ONG iha Akait, (11/08).

Nia esplika, total negosiante ambulante ne’ebé rejistradu iha SEKOOP hamutuk kuaze 400 maka sei hetan karosa, maibé asuntu ne’e sei iha faze prosesu.

Nia argumenta, negosiante hotu tenke adere ba kooperativa atu nune’e bele hetan formasaun.

Aliende ne’e, SEKOOP mós sei fó prioridade ba merkadu iha liña fronteira, tanba iha tinan 2013 halo ona konstrusaun uma iha ne’ebá, maibé seidauk utiliza, tanba ne’e mak SEKOOP mai atu promove planu hodi koopera ho MTCI no Ministériu Interior atu dezenvolve atividade negosiu iha merkadu fronteira.

“Planu ne’e sei kria kondisaun di’ak iha merkadu, nune’e bele fó benefisiu ekonomia ba sidadaun sira ne’ebé hela iha area fronteira,” esklarese nia.

Read 425 times
Rate this item
(0 votes)