Hanesan públika hatene, PR Lu Olo veta LFP artigu 15-A númeru 3 hafoin Tribunal Rekursu (TR) deside inkonstitusional.
Prezidente Parlamentu Nasionál Arão Noe de Jesus Amaral hatete, desizaun PR Lu Olo veta LFP sei fó impaktu ba investimentu Timor Gap.
“Impaktu ba kompaña TimorGap,tanba nia presija kapital atu halo investimentu,se kapital laiha, problema,tanba ne’e alterasaun LFP ne’e atu loke dalan ba kompaña TimorGap atu halo investimentu,” dehan Arão iha PN, Kuarta (27/11).
Tuir nia, bainhira investidór ida mai investe, maibé Timor Gap laiha osan atu investe, Timor Leste bele lakon oportunidade.
“Tuir konstituisaun no rejimentu (PN), 90 dias ba parlamentu nasionál hakarak halo apresiasaun fila-fali,maibé komu agora iha faze debate orsamentu nian, ami sei rai lai depois konklui tiha aprovasaun orsamentu 2020 nian mak sei tau ajenda fali ba asuntu ne’e,”dehan nia.
Prezidente PN ne’e dehan, PN iha opsaun tolu,konfirma hodi haruka fali ba Prezidente Repúblika,bele halo alterasaun, no bele mós rai de’it.
Maibé, nia hatutan, obsaun sira ne’e sei depende ba desizaun plenaria PN.
Kona-ba Lei Aktividade Petroliferu (LFP), Arão dehan, lei ne’e laiha problema tanba daudauk ne’e vigora ona.
“Lei atividade fundu petrolíferu laiha ona problema no oras ne’e vigora ona tanba públika ona iha jornal repúblika,”dehan nia.
