Tersa, 09 Marsu 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-03-07&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Situs pornografia. Foto Google Situs pornografia. Foto Google

Rede Feto: Situs Pornografia Mós As iha TL Featured

DILI: Organizasaun Naun-Govermental Rede Feto relata katak situs pornografia ne’ebé as no livre iha media sosiál afeita mosu asaltu sexual.

Diretora Rede Feto, Aida Exposto hateten, situs pornografia as tanba seidauk iha lei atu regula no kontrola utilizasaun media sosial.

“Situs sira no laiha kontrolu ba utilizasaun assesibilidade ba situs pornografia ne’ebé livre no as afeta ba asaltu seksual, kazu insestu, isin rua sedu, abandonadu, divorsio no adultero,”dehan Exposto iha nia servisu fatin, Rede Feto, Obrigado Barack ba Online Independente.

Kazu balun hatudu ona katak iha tinan 2018, iha posto Watukarbau, Munisipiu Viquque akontese kazu asaltu sexual hasoru feto na’in ida kauza husi nonton video porno.

Iha tinan 2019, iha Municipio Manatuto, Posto Lalaea, pesoal seguransa ida uza filmajen pornografia no konvida estudante mane sira hamutuk na’in 42 hodi nonton filme pornografia no halo pratika sexual no agora dadauk autor iha ona prizaun.

Akontese mos iha fatin hanesan, Suco Kairui, Postu Laleia akontese asesu ba video pornografika afeta ba emosaun sexual no too ikus prátika sexual ba labarik minoridade ida.

Iha tinan hanesan akontese mós iha Munisipio Covalima, Suai Vila, feto kazal na’in 7 utiliza video call hodi halo pornografia tanba kauza husi selingkuh.

"Akontesimentu hirak ne’e akontese tanba Governu seidauk kontrola ho lei media sosial no pornografia, tanba ne’e  Rede Feto antes ne’e halo ona relatorio advokasia nian ba Governu liuhosi SEKomS no Parlamento Nasional atu haree situasaun hirak ne’e maibé ate agora sedauk iha avalisaun ruma,"dehan Exposto.

Tuir nia katak, kazu pornografika iha Timor-Leste tenke sai mós nivel prioridade tanba ne’e Rede Feto husu ba Sekretariu Estadu Komunikasaun Sosial (SEKomS) atu kria ona lei ka politika iha tinan ne’e hodi regula no kontrola uzus media sosial nomos situs sira hotu.

Rede Feto rekomenda ba Parlamento Nasional hodi aprova proposta lei ka regulamentu ne’ebé SEKomS propoin atu asegura no regula uzus media sosial no situs sira.

Rekomenda mós ba Konselu Ministru tenke aprova ona lei refere no Autoridade Nasional Comunicacoes (ANC) no SEKomS tenke estabelese sistema IT atu bele kontrola utilizasaun internete ho responsabilidade.

Entertantu Sosiede Sivil hanesan Rede Feto Kontinua koopera ho kompañia telekomunikasaun halo advokasia hodi dezenvolve submisaun ba regulamentu atu regula utilizasaun media sosiais no kontinua halo kampaña no sensibilizasaun kona-ba prevensaun kaben sedu, insestu, violasaun sexual no kazu abandonadu.

Read 504 times
Rate this item
(0 votes)