Sexta, 18 Outubru 2019 | Login
Domingos Caero ho Abilio Liman Domingos Caero ho Abilio Liman

Prizioneiru Domingos Caero-Abilio Lima Hetan Liberdade Kondisionál Featured

DILI: Hahú husi fulan Janeiru to’o fulan Jullu tinan ne’e, prizioneiru na’in 78 mak hetan ona liberdade kondisional. Husi prizioneiru hirak ne’e, iha mós eis membru governu na’in rua.

Liberdade kondisional ne’ebé prizioneiru hirak ne’e hetan bazeia ba desizaun husi Tribunál Distritál Dili (TDD).

Entre prizioneiru hirak ne’e, iha mós eis membru governu na’in rua ne’ebé hetan liberdade kondisional mak eis Sekretariu Estadu Obras Públika Domingos Caero no Eis Sekretariu Estadu Meiu-ambiente Abilio Lima.

Husi total prizioneiru 78 ne’ebé hetan liberdade kondisional, prizioneiru na’in 49 husi prizaun Bekora, na’in 14 husi prizaun Gleno, no na’in 15 husi prizaun Suai.

Diretór Nasional Estabelesimentu Prizionais Helde Cosme informa, prezu sira ne’e hetan liberdade kondisional bazeia ba desizaun husi TDD.

“Prizioneiru sira ne’ebé ohin ha’u temi ne’e agora dadaun sira la hela ona iha prizaun, sira sai ona, inkui mós Domingos Caero ho Abilio Lima,” dehan nia ba Jornalista INDEPENDENTE iha nia knar fatin, Kuarta (31/07).

Kona-ba loron eis membru governu na’in rua ne’e sai husi prizaun, Diretór ne’e dehan, nia la hanoin ona loron fiksu, maibé klaru katak sira sai iha semana ida liu ba.

Read 760 times
Rate this item
(0 votes)