PR Lú Olo Apoia Nesesidade Báziku ba Família Uma Ka’in 120 Iha Cristo Rei Featured

By Komunikadu Imprensa Juñu 17, 2020 3052
Diretór-Jerál Prezidénsia Repúblika Domingos do Amaral, ho simbolikamente intrega nesesidade baziku ba komunidade. Foto Gabinete PR. Diretór-Jerál Prezidénsia Repúblika Domingos do Amaral, ho simbolikamente intrega nesesidade baziku ba komunidade. Foto Gabinete PR.

DILI:Prezidénsia Repúblika hamutuk ho Gabinete Apoiu Atividade Konjúje Prezidente Repúblika apoia nesesidade báziku ba família uma ka’in 30 iha aldeia Lenuk-hun suku Camea, família uma kain 40 iha suku Ailok, Postu Administrativu Cristo Rei.

Komunikadu ne'ebe Online INDEPENDENTE asesu katak, aliende ne’e apoiu ba komunidade iha Postu Administrativu Cristo Rei, ekipa  Prezidénsia Repúblika mós fó apoiu ba uma kain 50 iha Santa Cruz, Postu Administrativu Nain Feto.

Hafoin Prezinte Repúblika Francisco Guterres Lú Olo no Espoza simu pedidu husi autoridade no entidade sira, kona-ba sofrementu ne’ebé komunidade uma kain hirak ne’e nia sofrementu, nu’udar Aman ba nasaun no Prezidente ba Povu Tomak, foti desizaun hodi apoiu ba família uma kain 120 ne’e, nune’e bele hakma’an sira nia sofrementu iha tempu Surtu Mundial ka COVID-19.

Nesesidade báziku ne’ebé apoiu hanesan, fos karon 120, supermi kaixa 120, mina masa 120, rinso, sabaun no seluk tan, tuir totál uma kain.

Diretór-Jerál Prezidénsia Repúblika Domingos do Amaral lori Prezidente Repúblika nia naran hato’o ba komunidade atu simu nesesidade báziku ne’e hodi hakma’an terus durante tempu COVID-19. Xefe Suku Ailok postu administrativu Cristo Rei, Mario do Rego, sente kontente no agradese ba apoiu husi Prezidente Repúblika.

“Ha’u lori komunidade nia naran hato’o abrogado no agradese boot ba Prezidente Repúblika, tanba bele apoiu ona sasan hirak ne’e, tanba durante situasaun emerjénsia halo komunidade labele sai ba buka moris,” Xefe Suku Ailok hato’o.

Purtantu espresaun hanesan hato’o mós husi Xefe Aldeia Lenuk-Hun Jacinto Soares. Tanba apoiu ne’e bele sustenta ona sira nia moris iha tempu badak. Tuir ajenda aban loron-17 juñu 2020, Diretór-Jerál ho ekipa sei apoiu nesesidade báziku ba família uma kain 50 iha Santa Cruz Postu Administrativu Nain Feto.

Rate this item
(0 votes)

Independente Digital TV