Kuarta, 21 Agostu 2019 | Login
Bosco Timoroan ne'ebe ema oho iha Indonesia Bosco Timoroan ne'ebe ema oho iha Indonesia

POLRI Kaer Suspeitu 8, Inklui João Bosco Nia Tiu Featured

DILI: Tuir informasaun husi konsuladu Timor Leste nian ida iha Indonezia ba parte familia katak Polisia Republika Indonezia (POLRI) kaptura ona suspeitu na’in ualu (8), inklui João Bosco Batista Colo nia tiun ne’ebé deskonfia komete iha kazu oho vitima.

Iha Segunda (15/07), komunidade sira ne’ebé hela iha area Cemorosewu hetan mate-isin ida ne’ebé dodok ona. Hafoin halo identifikasaun ikus mai polisia Indonezia sira konsege identifika mate-isin ne’e nu’udar estudante universitariu husi Timor Leste ho naran João Bosco Batista Colo.

“Loos duni ami familia simu ona informasaun katak mate-isin ne’ebé ema hetan iha Indonezia, ami fiar ona, ami-nia oan duni mak ema oho,” dehan matebian nia aman Costancio Suni via telefone ba Jornalista INDEPENDENTE, Kinta (17/07).

Costancio dehan, tuir informasaun ne’ebé familia simu, iha 2 Jullu tuku 11 kalan oras Indonezia, ema na’in tolu ho motor ho motor rua ba iha João Bosco nia hela fatin hodi tula sai.

Iha momentu ne’eba, Costancio dehan, nia oan mane ne’e ho kondisaun moras, nune’e labele halo buat ida hodi kontra.

“Ami la hatene tanba saida mak ema oho. Ha’u-nia oan iha ne’ebá ne’e eskola, agora nia semester dua atu tuir tan ezame ohin (horseik) atu ba semester tolu,” dehan nia.

Fofoun familia rona informasaun katak João Bosco mak ema oho, familia la fiar ho informasaun ne’e, maybe liu husi prosesu ne’ebé halo husi autoridade seguransa Indonezia nian no deklarasaun balun husi matan-dook iha Oekusse, ikus mai familia mós fiar.

“Rona nia mate ami la fiar, maibé ami koko liu husi mama (matan-dook) ida iha ne’e, nia dehan katak hau-nia oan mak mate ne’e, tanba ne’e ha’u fiar ona mate ne’ebé mak iha Indonezia ne’e ha’u-nia ona duni.”

Costantino dehan, tuir informasaun ne’ebé familia simu husi konsuladu Timor Leste iha Indonezia katak polisia Indonezia kaer ona suspeitu na’in ualu, inklui João Bosco nia tiun.

“Ami simu ona informasaun polisia sira kaer ona ema na’in 8 hanesan suspeitu inklui nia João nia tiu. Ami seidauk hatene suspeitu na’in 7 seluk ne’e ema ne’ebé”.

Kona-ba mate-isin, Costancio husu ba governu Timor Leste atu halo kooperasaun ho governu Indonezia hodi bele lori fila mate-isin bainhira prosesu ba kazu ne’e remata ona.

Entretantu, iha fatin ketak Ministru Ensinu Superior Siensia no Kultura Longuinhos dos Santos triste no lamenta ba kazu ne’ebé akontese ba estudante Timor-oan sira iha Indonezia.

Tuir nia, estudante Timor-oan ne’ebé kontinua halo problema iha ema-nia rai nu’udar estudante ne’ebé laiha moral.

“Hanesan governante ida hato’o ba ita-nia estudante sira iha Indonezia no mós nasaun sira seluk objetivu ba atu halo estudu lalika haluha moral husi inan-aman no mós lori Timor nia naran,” dehan nia.

Read 13881 times
Rate this item
(2 votes)
MidAd1