Kuarta, 22 Janeiru 2020 | Login
Plantasaun Beacu Plantasaun Beacu

Planta LNG Beasu Posibilidade Muda Ba Natarbora Featured

DILI: Planu sentru prosesamentu Liquid Natura

Gas (LNG) ne’ebé atu harii iha Beasu-Vikeke, posibilidade muda fali ba Natarbora. Tanba kondisaun la apoia atu harii planta iha Beasu.

Planu ne’e iha faze estudu ne’ebé Xefe Negosiadór Fronteira Marítima, Kay Rala Xanana Gusmão halo peskiza ba Natarbora hodi identifika área foun ba planta LNG.

“Hau rona katak la akontese fali iha ne’ebá (Beasu), maibe sei muda fali mai iha Natarbora, see la akontese iha Beasu quer dizer iha dezentedimentu entre Xefe Negosiadór ho ita nian populasaun iha Beasu indenizasaun (ganti rugi) ida ne’e mak akontese”, dehan Deputadu Bankada FRETILIN, Fabião de Oliveira, iha Uma Fukun PN, horisehik.

Tuir nia, rai iha Beasu ne’e populasaun hela kleur ona, sei muda fali ba Nova Beasu, problema mak fatin ne’e aas no bee moos laiha, nune’e bele hamosu problema foun.

“Iha dezentedimentu ne’e mak la jadi iha Beasu hodi muda fali mai iha Natarbora. Iha Natarbora sei iha prosesu halo negosiasaun ho populasaun iha fatin ne’ebá, maibé ne’e depende ba xefe negosiadór ho populasaun ne’ebé hela iha fatin ne’ebá,” dehan nia.

Iha fatin hanesan, Vise-Prezidente Parlamentu Nasionál, Maria Angelina Sarmento hateten, planu haree katak sei estabelese iha Beasu-Vikeke mai Betanu-Same no Kovalima nian.

Kuandu halo investimentu dada kadoras mai iha Beasu maka Estadu sente la viavel bele muda fali ba fatin seluk.

Maski nune’e, muda área produsaun maibé to’o agora Parlamentu Nasionál seidauk hetan informasaun husi Timor GAP. Planu ne’ebé deputadu sira hatene maka planta LNG hahú husi Beasu-Vikeke mai Betanu-Same depois ba Suai.

“Iha mudansa ruma pertinente Parlamentu presiza hatene atu fó apoiu ba polítika atu dezenvolve no diversifika ita-nia setór petrolíferu iha rai maran, governu iha responsabilidade tenke mai hato’o ba Parlamentu Nasionál,” dehan nia.

Maibé, muda ba Natarbora seidauk iha informasaun klaru ne’ebé hanoin labele pronunsia iha ne’e, maibé depois kuandu iha oportunidade audiénsia ho governu tanba saida mak iha mudansa.

Read 411 times
Rate this item
(0 votes)
MidAd1