Segunda, 26 Outubru 2020 | Login
Brexit meeting. Foto Google Brexit meeting. Foto Google

Parlamentu Europeia Aseita Brexit Sai Husi UE Featured

DILI: Parlamentu Europeia aseita akordu rezignasaun Inglatera husi Uniaun Europeia (Brexit) iha 31 Janeiru ne’e. Maibé sira fó hanoin atu nasaun refere la ezijeze barak relasiona ho negosiasaun ba asuntu ekonomia ho razaun atu asegura relasaun di’ak iha futuru.

Hanesan jornal INDEPENDENTE sita husi cnnindonesia.com, Kinta (30/01), desizaun refere foti liu husi votasaun. Husi rezultadu votasaun, membru Parlamentu Europeia na’in 621 aseita akordu Brexit ne’ebé aprezenta husi Primeiru Ministru Boris Johnson. Enkuantu na’in 49 seluk rekuza.

Maske nune’e, kestaun ne’e seidauk garante negosiasaun komersiu entre Uniaun Europeia (UE) ho Inglaterra sei la’o ho di’ak. Se ida ne’e akontese iha preokupasaun sei mosu caos (kekacauan) ekonomia iha Europeia durante tempu tranzisaun iha tinan 2020 nia rohan.

"Ami sei hadomi nafatin imi no imi sei la dook-malu,” dehan Prezidente Komisaun Uniaun Europeia Ursula von der Leyen.

Inglatera sai nasaun dahuluk ne’ebé sei sai husi uniaun refere hafoin envolve aan durante tinan 47. Sira sei sai husi Uniaun Europeia iha Sesta (31/01) tuku 23.00 oras lokal.

Daudauk ne’e Inglatera iha tempu fulan 11 atu halo negosiasaun komersiu ho UE. Ida ne’e, tuir observadór sira, nu’udar esforsu ambisiozu tanba kompara negosiasaun komersiu entre nasaun rua de’it bele haan tinan barak.

Durante tempu tranzisaun, Inglatera no nasaun sira seluk iha UE sei kontinua implementa regra negosiu ne’ebé hanesan hodi koko negosia akordu komersiu ne’ebé luan liu.

EU fó ona alarma sei imposivel atu iha konkordansia komersiu livre ne’ebé komprehensivu iha tempu refere, no Londres iha opsaun atu hanaruk tranzisaun tinan ida ka tinan rua.

Maske nune’e, Boris Johnson afirma sei laiha extensaun. Ida ne’e hasa’e espekulasaun katak nia tenke simu akordu komersiu ne’ebé ladun ambisiozu. (*/cnnindonesia.com)

Read 2309 times
Rate this item
(0 votes)