Sábadu, 16 Janeiru 2021 | Login
Bandeira partidu KHUNTO Bandeira partidu KHUNTO

KHUNTO Apoia PM Taur, La Sai-Husi AMP Featured

DILI:Partidu Kmanek Haburas Unidade Nasionál Timor Oan (KHUNTO) deklara kontinua apoiu VIII Governu Konstitusionál lidera husi Primeiru Ministru Taur Matan Ruak atu luta kombate COVID-19.

“Kona-ba pedidu demisaun ne’ebé Primeiru Ministru retira fali ne’e la prevee iha lei. Ne’e direitu sidadaun sira hatama mak dada fali mos ne’e direitu sidadain sira nian,”dehan Deputadu Bankada KHUNTO, Luis Roberto, inform aba jornalista sira iha Parlamentu Nasionál, tersa ohin.

Nia dehan, ho transmisaun COVID-19 ne’ebé invade mós Timor-Leste, KHUNTO kontinua tau konfiansa ba Primeiru Ministru Taur Matan Ruak hodibuka dalan halo prevensaun no kombate moras ne’e.

“Ita labele dehan apoia k la apoia, maib’e haree ba situasaun agora ita tenki apoia duni hodi prevene moras COVID-19 ne’e. Se moras ne’e laiha ona, ita ko’alia buat seluk,”Roberto informa.

Maski KHUNTO deklara kontinua apoia, KHUNTO sei la sai-husi Koligasaun Aliansa Maioria Parlamentar (AMP) foun lideradu husi Kay Rala Xanana Gusmão.

Deputadu Bankada KHUNTO, Luis Roberto da Silva rejeita informasaun ne’ebé espalla iha media sosiál katak KHUNTO atu dada aan husi koligasaun.

“Tanba ami nuudar konselleiru artidu KHUNTO nian, hanesan reprezentante  partidu ami deputadu na’in lima (5) iha Parlamentu Nasionál ami seidauk hatene informasaun ne’e,”dehan Luis Roberto iha Parlamentu Nasionál, Tersa (14/04).

Atuál Vise-Parlamentu Nasionál informa, sira nia parte sempre hatene karik informasaun dada an husi AMP ne’e loos, maibé laiha informasaun no konsidera falsu.

Nia hatutan, partidu sei mantein nia pozisaun uluk ne’ebé lider husi Maun Xanana agora hein desizaun Prezidente Repúblika.

“Partidu halo ona asinatura ida iha sede partidu CNRT ne’ebé lidera husi Maun Xanana ne’ebé ami fó tiha ona Prezidente Repúblika hein deit desizaun husi Prezidente Repúblika,”dehan nia.

Read 2896 times
Rate this item
(0 votes)