Kuarta, 20 Janeiru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-01-19&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Portavoz Sentru Integradu Jestaun Krize (SIJK) Rui Maria de Araújo Portavoz Sentru Integradu Jestaun Krize (SIJK) Rui Maria de Araújo

Kazu Positivu COVID-19 Foun 2, Sa’e Ba Na’in 6 Featured

DILI: Atualizasaun surtu coronavirus (COVID-19), tersa ohin (14/4) aumenta kazu foun positivu na’in rua (2).

Tuir dadus Sentru Integradu Jestaun Krize (SIJK) katak, kazu iha Timor-Leste konfirmadu COVID-19 sa’e ba na’in neen (6) ona, na’in ida (1) rekuperadu no na’in lima (5) agora dadaun iha fatin izolamentu Vera Cruz Dili.

Portavoz Sentru Integradu Jestaun Krize (SIJK) Rui Maria de Araújo hatete, dadus Covid-19 to’o iha loron 14 fulan-Abril ne’e ema ne’ebé iha konfinamentu obrigatoriu hamutuk na’in 570. Ema ne’ebé deskonfia hatudu sintomas no mai husi fatin afetadu no kontaktu ho ema ne’ebé pozitivu ne’e hamutuk na’in 178.

“Kompostu husi númeru 178 ne’e na’in 34 maka hein rezultadu laboratoriu, na’in neen maka konfirmadu ida maka rekupera ona,” dehan nia iha konferensia imprensa CCD, Ohin.

Nia dehan ema ne’ebé maka simu ona rezultadu teste hamutuk 138 maka nia rezultadu negativu.

Nia husu mós ba familia pasiente pozitivu nian ne’e labele pániku kontaktu nafatin ho sira liuhusi media sosial fó korajen no apoiu nafatin ba sira. Husu mós ba públiku atu mantein nafatin distansia sosial no ijiene pessoal.

Entretantu atualizasaun surtu COVID-19 mundiál, 14 Abril, positivu millaun 1,9, rekooperadu rihun 443.732, mate rihun 119.403

Transmisaun surtu Coronavirus (COVID-19) mundiál númeru aumenta ba bebeik, tantu husi total kazu positivu no pasiente ne’ebé rekooperadu.

Tuir dadus husi Worldometers iha loron tersa (14/4/2020) dader, total kazu positivu COVID-19 kuaze hamutuk millaun rua (2.000.000).

Nasaun iha mundu abitante afeitadu positivu COVID-19 millaun 1.920.057. Enkuantu, pasiente ne’ebé rekooperadu rihun 443.732, no ema ne’ebé mate rihun 119.403.

Provizioramente, Estadu Unidos Amerika (EUA) sei kontinua ho númeru as ba COVID-19. EUA iha kazu rihun 584.862, mate rihun 23.555, rekooperadu rihun 36.205.

Entretantu tuir fali EUA, maka Italia ho kazu rihun 159.516, mate rihun 20.465, rekooperadu rihun 35.435.

Read 1938 times
Rate this item
(0 votes)