“Espetativamente ha’u labele iha so depois ha’u bele expresa kuandu ha’u hatene dehan rejultadu saada mak atu mosu. Atu ba segunda ronde ne’e depende ba vontade votu popular, ita labele hola espetativa ida nebe, ne’e espekulasaun ida individual ho ita konvikasaun pesoal. Embora ita boot sira akompanha ha’u nia kampanye, ida ne’e ita bele haree ha’u atu ba segunda ronde ka lae,”dehan Kalohan hafoin vota iha Eskola Primaria Tuana Laran, akompaña husi nia espoza, segunda ohin (20/3).

Tuir nia katak, loron ida ohin (eleisaun presidensiál) povu deside nasaun nia distiñu ba tinan lima (5). Tan ne’e rejultadu saida de’it mak sei mosu ne’e vontade povu nian ho livremente.

“Eleisaun ida ne’e vontade popular de povu ninia atu bele hili sira nia lider nasaun nian e mos atu kumpri ita nia konstituisaun hodi dehan katak ita terus tinan naruk ona. Ita kompleta 15 anos iha restasaun independensia e ha’u hanoin natoon ona ita ita bele senti katak ita terus ona tinan 20, kolabora hamutuk atu ita lori nasaun ne’e oin,”tenik Ministru Edukasaun ne’e.