Segunda, 10 Agostu 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-08-08&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Embaixadór Timor-Leste ba Repúblika Indonézia Alberto X.P. Carlos Embaixadór Timor-Leste ba Repúblika Indonézia Alberto X.P. Carlos

Estudante Timor-Oan iha Indonézia Ema Ida Seidauk Pozitivu COVID-19 Featured

DILI: Estudante Timor-oan sira ne’ebé oras ne’e hala’o estudu iha Indonézia to’o oras ne’e nia kondisaun hotu-hotu di’ak, la iha ema ida maka pozitivu ba Corona Virus (COVID-19).

Embaixadór Timor-Leste ba Repúblika Indonézia Alberto X.P. Carlos hateten, estudante Timor-Oan sira ne’ebé hala’o estudu iha Indonézia besik ema na’in 2500, ho situasaun emerjensia ne’e balun fila ona ba Timor, no balun ne’ebé sei iha ne’e sira nia kondisaun hotu-hotu di’ak hela.

“Estudante sira iha ne’e hotu-hotu disiplina, ida-idak iha de’it nia hela fatin, to’o ohin loron ha’u seidauk simu informasaun katak estudante Timor-Oan ida pozitivu ba COVID-19,” dehan nia, liuhusi via Telefone, ohin (30/3).

Bainhira estudante sira hetan problema iha estudu entaun kontaktu regularmente ho adidu edukasaun nian, moras ruma kontaktu ba adidu saúde, no sidadaun bai-bain kontaktu ba assuntu konsulares nian atu atende.

Alberto hateten, estudante hotu-hotu saúde di’ak hela, maibé problema maka alojamentu liu-liu ba nesesidade baziku sira hahú menus, tanba loja, restorante barak maka taka ona.

Ba estudante bolseiru sira sei di’ak ointuan, maibé sira seluk ne’ebé inan aman rasik maka haruka mai eskola iha ne’e defisil oituan ona, tanba osan la iha ona atu atende ba nesesidade iha situasaun ne’e.

 Sira husu, maibé embaixada no adidu edukasaun la iha kapasidade finanseira atu ajuda sira. Kestaun ne’e hato’o ona ba governu sentral, maibé seidauk iha resposta.

Read 3247 times
Rate this item
(0 votes)