CNE La Diskrimina Partidu Koligasaun AMP Featured

By Ligia Noronha Maiu 02, 2018 882
Presidente CNE Alcino Barris Presidente CNE Alcino Barris

DILI: Relasiona ho deklarasaun husi partidu koligasaun Aliansa Maioria Progresu (AMP) ‘hasoru’ Comisaun Nasionál Eleisoes (CNE) atu imparsiál durante prosesu kampaña eleitorál.

Ne’e duni, Prezidente CNE, Alcino Barrís de Araújo, klarifika katak oras ne’e daudaun sira simu reklamasaun husi AMP katak CNE haree liu ba partidu FRETILIN. Ne’e duni, CNE nian sei halo publikasaun kompletu bainhira remata kampaña iha loron 30 nia laran.

Nia dehan, sei fahe informasaun ne’e, CNE nian sei konta hotu programa partidu polítiku sira nian kona-ba saida mak durante ne’e sira fahe iha kampaña eleitorál.

Laiha diskriminasaun tratamentu ba koligasaun partidária husi partidu polítiku sira”, dehan Alcino, iha servisu fatin, Kolmera-Dili, foin lalais ne’e.

CNE mós klarifika mós kontestasaun husi AMP kona-ba individu balun ka id falsu hodi halo difamasaun ba AMP oras ne’e CNE dirije ona ba parte PNTL hodi halo investigasaun.

Prezidente CNE mós informa, kona-ba bandeira AMP nian ne’ebé hatún iha Bobonaru tanba hasae loos iha fatin sentru votasaun. Nune’e, antes ne’e sira avizu ona ba parpol sira labele halo mobilizasaun ka karavana bainhira halo kampaña eleitorál.

Tanba ne’e, husu kompriensaun ba dirijente másimu partidu polítiku sira ka koligasaun partidu sira labele mobiliza massa husi munisípiu ida ba munisípiu seluk. Ida ne’e foin lalais akontese iha Likisá bainhira CNE buka hatene partidu FRETILIN atu mobiliza massa husi Dili ba Likisá responsavel husi partidu ne’e hatete sira la mobiliza maibé ema sira mak hakarak mai husi fatin barak no sira labele atu impede no polisia mós laiha kbiit atu impede.

Aleinde ne’e, nia mós informa kona-ba akuzasaun katak iha partidu polítiku balun fahe foos iha Oekusi-Ambenu, atu fó hatene katak, iha konfirmasaun foos ne’ebé fó husi autoridade RAEOA laiha kompensasaun ruma no reasaun husi ema ne'ebé simu foos ne’e, dehan momentu sira kuda ai-oan tinan hira ba kotuk maka foos ne'ebé sira simu laiha ligasaun ho partidu nian.

Nune’e, ba preokupasaun $3 ne'ebé oras ne’e hato'o ba iha autoridade RAEOA iha informasaun katak atu hetan votu. Ida ne’e investigasaun lao hela, tanba sira foin mak rona husi fonte na’in rua, husi sira ne’e ida hato'o katak ne’e pedidu mai husi komunidade sira no ida seluk mós hatete loos duni ne’e proposta komunidade sira, maibé osan ne’e kanaliza liu husi esesaun parpol sira.

Ami orienta ona delegadu CNE iha ne'ebá para buka hatene loloos osan $3 fó fali husi responsavel parpol no la ba lider komunitariu sira lori halo preparasaun Estrada, hadi'a dalan ba sentru estasaun votu sira liu liu forma husi parpol ami husu para trava tanba ida ne’e prejudika interpretasaun la loos”, tenik nia.

Maibé, oras ne’e daudaun delegadu CNE simu ona orientasaun hala'o ona no atu haree loloos situasaun ne’e ba iha lider sira mak simu ka responsavel partidu balun iha ne'ebá simu osan ne’e lori mobiliza hadi'a estrada no sentru estasaun votu.

Rate this item
(0 votes)

Independente Digital TV