CNE Aprezenta Ona Akta Apuramentu Nasionál ba TR Featured

By Artur da Luz Maiu 19, 2018 1418
Komisariu CNE Komisariu CNE

DILI: Tuir ajenda, Ohin (19/05), Komisaun Nasionál Eleisaun (CNE) aprezenta rezultadu akta apuramentu nasionál  ba Tribunál Rekursu (TR) atu halo apresiasaun.

CNE remata ona apuramentu Nasionál ba akta ho bulettin devotu ba eleisaun antesipada.

Prezidente CNE,  Alcino de Araújo Barris,  Informa  CNE uja kompeténsia tomak durante halo apuramentu nasionál ba akta buletin de votus durante oras 72 nia laran no konsege remata ona nune'e sábadu 19 fulan-Maiu  iha tuku 04:00 loraik,  CNE lori rezultadu provizóriu ba Tribunál Rekursu hodi halo apresiasaun.

Maski,  nia dehan, CNE nakloke no hein reklamasaun husi partidu polítiku no koligasaun sira, maibé to'o oras ne'e CNE sidauk simu karta reklamasaun ruma husi Partidu polítiku ho koligasaun partidária sira, ne'ebe reseita kona ba apuramentu nasionál, ne'ebé mak CNE halo durante loron tolu,.

Lei fó dalan Partidu politiku no koligasaun partidária  hatama reklamasaun ruma molok CNE lori ba Tribunál Rekursu halo apresiasaun.

"Rezultadu provizória iha ona CNE nia liman hein atu lori ba Tribunál de Rekursu halo apresiasaun ba akta buletin de votu sira ne'e," Haktuir Alcino iha konferénsia Iha edifísiu CNE Kolmera Dili, Sesta (17/5)

Durante apuramentu nasionál , nia dehan, CNE la nota irregularidade balun ne'ebé mak prezudika ba atribuisaun, nune'e laiha fiskais husi partidu polítiku ho koligasaun partidária, maibé iha erru balun bainhira soma buletin de votu sira ne'e nune'e hetan ona konfirmasaun husi STAE ne'ebé hetan ona klarifikasaun.

Tanba ne'e, nia dehan, rezultadu provizóriu ne'e CNE sei kompleta oras 48 nia laran hodi hein kontestasaun husi partidu polítika ho koligasaun partidária iha rezultadu apuramentu ne'e molok haruka ba Tribunál Rekursu halo apresiasaun.

Rezultadu Apuramentu Nasionál ne'e Partidu Aliansa Mudansa ba Progresu (AMP) ho votu  309.663 ho porsentu 49.6% ho Kadeira 34, Partidu FRETILIN ho votu 213.324 porsentu 34.2% ho Kadeira 23, Partidu Demokrátiku 50.370 ho porsentu 8.1 Kadeira 5, FDD 34.301 porsentu 5,5 kadeira 3.

Rate this item
(0 votes)

Independente Digital TV