Kuarta, 30 Setembru 2020 | Login
Aniceto Aniceto

Aniceto sei Demite-Aan husi Prezidente PN Featured

DILI: Prezidente Parlamentu Nasionál (PPN), Aniceto Longuinhos Guterres Lopes, deklara sei halo demisaun ba kargu hafoin diskusaun Orsamentu Retifikativu.

Desizaun ne’e Prezidente PN halo hodi responde ba karta destituisaun bankada opozisaun Aliansa Maioria Parlamentár (AMP) atu hatún husi kargu.

“La presiza desizaun Tribunál Rekursu atu fó a favór ha'u ka kontra, tanba antes ida ne’e, kuandu rezolve orsamentu retifikativu hotu ha'u sei haree ha'u nia dalan para atu halo demisaun rasik”, dehan nia, iha Palásiu Prezidensiál, Bairru-Pité, horisehik.

Nia lamenta tanba bankada opozisaun bloku AMP dehan nia (Aniceto) kaan-teen ba podér. Maibé, tuir nia, públiku hatene sé mak iha ambisaun boot ba kadeira.

Maibé, nia parte bainhira atu tun ka sai husi kargu ida ne’e tenke ho dignidade.

Ne’e duni, proposta destituisaun ne’e rasik ilegál, tanba nu’udar Prezidente PN la rekoñese saida mak bankada maioria parlamentár halo la tuir rejimentu.

Kuandu bankada ne’e ilegál, deputadu sira ne'ebé pertense ida ne’e mós ilegál hotu, sira nia proposta rekerimentu ne'ebé sira halo ne’e mós ilegál hotu.

“Tanba ne’e mak ha'u seidauk haruka ba Prezidente Repúblika, ba Governu, no ba órgaun sira seluk kona-ba proposta ida ne’e”, tenik Aniceto.

Agora sira husu tan rekursu para atu halo tan ajendamentu, maibé tenke tau inkonsiderasaun mós, prosesu sei iha Tribunál ho efeitu suspensivu. 

Read 653 times
Rate this item
(1 Vote)