Kinta, 13 Agostu 2020 | Login
Alkatiri Alkatiri

Alkatiri Husu Labele Persege Oekusi-oan Featured

DILI: Sekretáriu Jerál partidu FRETILIN, Mari Alkatiri, husu ba povu Timor tomak atu bele persege Oekusi-oan, tanba sira iha liberdade atu buka moris iha territóriu Timor tomak.

“Ema Oekusi livre atu moris iha rai Timor tomak. Hanesan ema Timor hakarak moris iha Oekusi mós bele ba moris iha Oekusi ka moris iha fatin ne’ebé de’it, laiha ema ida bele bandu”, dehan nia, sede Comité Central FRETILIN, Komoro-Dili, horisehik.

Nia informa, FRETILIN ne’e konsistente ho ida ne’e, sidadaun hotu-hotu livre atu la’o ba moris iha rai ne’e. Oekusi-oan sira bele mai buka servisu iha Dili, ne’e sira nia direitu.

Nia hatutan, laiha ema ida atu halo fali terror ba sira. Tanba ne’e, polísia tenke investiga, tenke kaer ema sira ne’e no tenke hateten loloos sira ne’e.

Entretantu, Alkatiri akresenta, kontinua aktu subversaun ba krime ne’ebé baku labarik Oekusi-oan na’in haat, ne’ebé baku iha Raik-Kotu ne’e. Ne’e duni, tenke investiga didi'ak hodi bele hatene ema sira baku ne’e sé. 

Read 708 times
Rate this item
(0 votes)