Kuarta, 21 Agostu 2019 | Login
Ilustrasaun Oan Tanis. FOTO: Kompas.com Ilustrasaun Oan Tanis. FOTO: Kompas.com

Oan Tanis, Feen Sona La’en ho Tudik Modo Featured

DILI: Feen ida ho inisiál MC sona nia la’en SD ho tudik modo tanba haruka atu ko'us nia oan ne’ebé tanis iha dapur.

Tuir akuzasaun MP katak, iha loron 31 fulan-Dezembru 2016, tuku 9:00 dadeer  iha Gleno Munisípiu Ermera. Momentu ne’e, Lezadu (La’en) prepara hela atu ba servisu,  maibé rona sira nia oan tanis hela hamutuk ho arguida  iha dapur, tan ne’e lezadu husu ba arguida atu haree labarik ne’e, maibé arguida ba rasta de’it nia oan.

Ho hahalok arguida nia, lezadu nervozu basa arguida dala haat kanoruk. Arguida foti  tudik modo iha dapur  hodi sona lezadu nia kabun parte loos ho hetan tratamentu kedan iha HNGV hodi suku too pontu 11.

MP Akuza Arguida ho krime ko'a autór ho forma kunsumadu ba  krime violénsia doméstika  forma ofensa integridade fíziku simples ne’ebé previstu iha arguidu 145 husi kódigu penál konjuga ho krime  tentativa omesidu. 

Hataan ba akuzasaun ne’e arguida  nega hotu faktu sira iha akuzasaun laran.

“Ha’u hamoos hela modo lezadu halai ba atu tebe ha’u mak lezadu monu tun ba ha’u nia leten mak tudik modo kona nia kabun, la’ós ha’u nia hakarak atu sona lezadu (la’en),” dehan Arguida iha TMD, horisehik.

Entretantu, Lezadu dehan Labarik tanis ho nia oan ida dapur laran, tan ne’e hasé atu hamaus, maibé lezada baku no rasta tan labarik

 “Ha’u nervozu hodi basa arguida nia kanoruk dala haat no ami hahú baku malu, mak arguida sona ha’u,” dehan nia.

Hafoin rona deklarasaun,  Tribunál adia julgamentu ne’e ba fali loron seluk hodi rona alegasaun finál.

Audiénsia julgamentu ne’e prezide husi  Juis Koletivu Siribuana da Costa, Edite Palmira no Juis Estajiáriu, Ministériu Públiku reprezenta husi prokuradór Osório de Deus no arguidu hetan asisténsia legál husi defensór Públiku Fernando Carvalho.

Read 1227 times
Rate this item
(1 Vote)
MidAd1