×

Atenção

JUser: :_load: Não foi possível carregar usuário com ID: 424

JUser: :_load: Não foi possível carregar usuário com ID: 422

Presu Mina Mundiál Sa’e $55,25/Barríl Featured

By INDEPENDENTE Abril 19, 2017 1749
Folin mina mundial sa'e Folin mina mundial sa'e

DILI: Presu mina mundiál oras ne’e daudauk hahú sa’e fila fali ona ba $55,25/barríl.

Tuir dadus hosi organizasaun mina mundiál, Brent Crude (ICE) presu mina $55,25/barríl no WTI Crude Oil (NYMEX), 52,69/barríl.

Antes ne’e, presu mina mundiál tuun ba $35/bariik fó impaktu mós ba orsamentu fundu mina rai Timor-Leste.

Ho presu mina mundiál ne’ebé sa'e, halo sentru kombustivel lubuk ida iha kapitál Dili mós komesa hasae presu mina gazolina no gazoel.

Oras ne’e dadukak presu gazolina ne’ebé antes ne’e fa'an ho $0,95 sentavus hahú sa’e ba $1 no presu gazoel sei mantein ho presu $0,85 sentavus.

Tuir negosiante Sentru Kombustivel Mãe de Graça Pantai Rai Kotu, Deonizo Menezes Fátima Gomes dehan presu mina mundiál sa'e afeta mós ba TL.

Deonizo hatutan, dala ruma presu ne’e sa'e depende mós ba folin iha merkadu internasionál tun, iha TL mós tun.

Nia dehan, mina ne’ebé sira sosa iha Pertamina Indonézia dala ruma fa’an la determina presu loloos, tanba dependente ba presu merkadu internasionál.

“Bai-bain fulan ida nia laran dala ruma to’o iha tanggal 15 ne’e dala ruma mina nia folin sa’e selae mina nia folin ne’e normál maibé to’o tanggal 30 atu ba tanggal 1 ne’e maioria mina sempre sa’e ne’ebé foin daudauk ne’e sira iha pertamina boot ne’e mina folin normál iha 0,98 foin daudauk iha tanggal 15 ne’e mina folin sa’e ba $0,91 sentavus,” dehan Deonizo Gomes ba jornalista INDEPEDENTE iha nia edifísiu fatin Rai Kotu, Tersa (18/04).

Nia dehan, presu gazolina sira fa'an $0,91 sentavus no  gazoel $0, 72 sentavus.

“Baibain Pertamina sira ne’e sira fa’an ne’e Gajoel $0,77sentavus gazolina $0,98 foin daudauk mina nia folin sa’e ne’e maka ami hasa’e hotu gazoel 0,80 Gazolina $1,” nia  informa.

Nia dehan, too agora presu mina iha sentru konbustivel sira fa’an ho folin diferente.

Nia husu ba Autoridade Nasionál Petroliu no Mina rai (ANPM) no Ministériu Komérsiu Indústria no Ambiente (MKIA) atu halo kontrola ba sentru kombustivel sira bele fa'an mina ho presu hanesan hodi labele fó impaktu ba konsumidór sira.

 

Rate this item
(0 votes)

Independente Digital TV