"Karik hetan konfiansa husi povu eleitu ba Prezidente Republika buat ida ha’u hakarak halo ho governu atu tau prioridade ba edukasaun karik ita bele uza metodu Koreia Sul nian", dehan nia, iha Postu Maubara, Munisipiu Likisa, horisehik.

TL dadaun ne’e investe osan ba edukasaun maibe la tuir rekomendasaun United Nations Educational, Scientific and Cultural Organization (UNESCO) nian, tanba hakarak investe iha eduaksuan hanesan saida mak hakarak tenki tau Orsamentu Jeral Estadu (OJE) 25% ba setor edukasaun.

Nia informa, atu bele dezenvolve edukasaun ho di’ak tenke prepara formasaun ba profesor no konstrusaun eskola ne’ebé di’ak.

Edukasaun Xave Korre Ki’ak

Kandidatura Prezidente Repúblika Isabel da Costa Ferreira hateten, edukasaun mak bele hasai ema husi ki’ak no terus, la’os mai husi apoiu sosial husi governu ka estadu.

“Nasaun ida atu sai husi terus no ki’ak defende familia Ida-idak atu halo esforsu bá nia-an no organiza nia familia, tanbá ita atu sai husi ki’ak la’os mai husi apoiu sosial, maibé iha edukasaun mak bele  hasai ita husi terus no ki’ak".

Tanba ne’e, nia mai ho hanoin Ida hodi fó hanoin ba familia sira katak atu liberta ema Ida-idak nia an husi ki’ak defende bá ema Ida-idak, la’os depende ba politika no riku sira, tanba apoiu sira ne’e ohin sira lori nasi kotak halo kontente povu maibé povu sira nafatin terus durante tinan lima.

Nia dehan, atu liberta povu laiha apoiu sosial, laiha oferta Ida mak hasai povu husi ki’ak no terus, maibé ema Ida-idak tenke servisu makas hodi hisik kosar ba moris di’ak.

MAID Deside Hili Isabel

Movimentu Apoiu Inkluzaun Defisiensia(MAID) akompaña programa no vizaun husi kandidatu sira durante halo kampaña, MAID deside hili kandidatu Isabel Da Costa Ferreira, tanba fuan boot, domin no empatia ba sosiedade ne'ebé konsideradu vulneravel iha sosiedade.

MAID hato'o deklarasaun politika ba inkluzaun defisiensia ne'e ba direita iha Fundasaun Quesadhip Ruak, Kolmera, Dili.

Portavos MAID, Jacinta Ana Paula da Costa Freitas hatete, sira Isabel ema ida hatudu nia simplisidade boot iha sosiedade no sai familia ezemplar no promotora ba sosiedade, ho vizaun boot ba promove pás no estabilidade ho maneira simples ne'ebé hatudu iha nia vizaun katak familia forte, sosiedade iha pás mak unidade nasional sei metin liu tan.

Nia informa, Tanba Dezenvolvimentu asuntu inkluzaun defisiensia la'os deit iha tempu kampaña maka ko’alia maibé asaun konkreta balun hatudu ona iha nia knaar loron-loron nian maski uitoun ka kilik importante nia halo e halo beibeik.