Governu Hein Desizaun Xefe Estadu Ba Pose Datoluk Featured

By Artur da Luz Agostu 15, 2018 7273

DILI: Primeiru Ministru, Taur Matan Ruak, kontinua halo negosiasaun ho Prezidente Repúblika, nune’e bele fó pose ba membru Governu datoluk ne’ebé seidauk serteza.

Kandidatu membru Governu ne’ebé seidauk simu pose sei difikulta diskusaun Orsamentu Jerál Estadu (OJE) 2018, tanba membru Governu balun sidauk simu pose.

“Ita hotu hein atu nune’e iha lalais solusaun ba tomada-de-pose kandidatu membru Governu balun sidauk hetan pose,” Dehan Fidelis ba Jornalista Iha Parlamentu Nasionál Dili, segunda (13/8)

Nia dehan, Xefe Estadu ho Xefe Governu kontinua halo prosesu negosiasaun ba kandidatu membru Governu balun ne’ebé sidauk toma pose, tanba estrutura Governu barak mak sei mamuk iha instituisaun Governu sira.

Maski nune’e, Governu kontinua mantein lista sira ne’ebé submete ona ba Xefe Estadu atu halo pose, maibé sei pendente hela, tanba kandidatu sira ne’e hetan konfiansa husi organizasaun.

Tanba ne’e, Governu hein desizaun husi Xefe Estadu atu dekreta hodi toma pose ba kandidatu membru Governu na'in tolu, inklui membru kandidatu na’in sia ne'ebé sei pendente hela.

Rate this item
(0 votes)

Independente Digital TV