Xanana Husu Estrutura INSS Labele Serví Povu ho Korupsaun Featured

By Ivonia Varela Fevereiru 16, 2024 198
Estrutura INSS ne'ebe ohin simu pose ba mandatu tinan tolu, iha salaun MSSI, Kaikoli, Dili, sesta (16/02/24). Foto:INDEPENDENTE. Estrutura INSS ne'ebe ohin simu pose ba mandatu tinan tolu, iha salaun MSSI, Kaikoli, Dili, sesta (16/02/24). Foto:INDEPENDENTE.

DILI: Primeriu-Minístru Kay-Rala Xanana Gusmão husu Prezidente Konsellu Administrasaun Institutu Nasional Seguransa Sosial labele serví povu ho korupsaun maibe servisu hotu tenki tuir regra hodi serví povu ho domin.

Eis Prezidente Repúblika ne’e hatete, hotu-hotu hatete heroi ne'ebe moris hela mak hanesan ferik ho katuas hela iha área rural sira,  to’o agora seidauk hatene saida mak ukun an, tan ne’e servi hanesan no labele hili malu.
“Husu ba imi ne’ebé simu ona pose, kuidadu mos korupsaun buat hotu-hotu la’o, la’o tuir regra, ferik sira la’o labele, dehan ferik balun simu balun la simu labele hili, hatene tiha ona herois vivus mak ferik ho katuas sira ne’ebé iha area rurais to’o ohin loron seidauk hatene saida mak ukun an,” dehan Primeiru Ministru iah Salaun MSSI Kaikoli, Sesta (16/02).
Xefe Governu afirma ba emposadu tenke jere didi’ak instituisaun hodi haree ema kbiit laek sira atu nune’e evita korupsaun no mal jestaun.
“Ha’u la fó parabens, ha’u fó de’it deseju bom traballo, atu haree ba kbiit laek ne’e mak ita tau INSS, liuliu atu evita korupsaun no mal administrasaun, hodi tau matan ho di’ak ba povu kbiit-laek sira. Nune’e, ha’u hakarak imi hatudu imi-nia komprimisu atu serví povu, no kaer osan tuir regra ho kuidadu,” dehan PM.
Iha fatin hanesan, Ministra Solidariedade Sosiál no Inkluzaun, Verónica das Dores, husu ba estrutura foun INSS, atu servisu ho kompaixaun, hodi hamutuk hadi'a no promove transparénsia, efisiénsia no efikásia.
“Ha’u hakarak oinsá ita atu hakbesik an liután ba ita-nia povu ki'ik sira iha baze nune’e ha’u husu ba Prezidente sesante INSS, Longuinhos Armando Leto, atu servisu hamutuk ho estrutura foun INSS, Prezidente sesante INSS ninia mandatu mak remata, maibé nu’udar Timoroan ita presiza servisu hamutuk nafatin, tanba rai Timor ita hotu nian”, tenik Ministra
iha biban ne’e, Prezidente Institutu Nasional Seguransa Sosial Arlindo Pinto, hatete nia parte sei kontinua programa ne’ebé governu anteriór halo ona. Nune’e mós sei haree ba programa ka servisu ne’ebé sei kontinua maibé ida ne’ebé mak la di’ak sei hare ba nia lakunas sira hodi hadi’a.
“Primeiru mak ita konsidera nafatin ba responabilidade balun ne’e mak husi governu anteriór halo buat ne’ebé mak di’ak ita kontinua no buat ne’ebé la diak ita hadi’a no buka lakunas sira ne’ebé mak ita identifika karik la tuir lei no regra ita hadia ida ne’e,” dehan Prezidente emposadu INSS.
Enkuantu, Estrutura Ne’ebé Ohin Simu Pose Mak Arlindo Pinto Prezidente INSS, Dulce Natividade Fátima Da Cunha No Solange Da Fátima Borges nu’udar responsável ba Solidariedade Sosial, Sansão Gomes reprezenta empregadór sira No Almerio Vila Nova Guoveia reprezenta traballadór Timor-Leste ba mandatu tinan tolu, hahú 2024 to’o 2026.

Rate this item
(0 votes)
Last modified on Sexta, 16 Fevereiru 2024 17:20

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30