2023, DNTT Hatama Osan $4.669.311,50 ba Kofre Estadu Featured

By Gil dos Santos Fevereiru 16, 2024 258
Diretora Nasional Maria Antonia Vítor. Foto:Google. Diretora Nasional Maria Antonia Vítor. Foto:Google.

DILI: Durante tinan 2023, Diresaun Nasional Transporte Tereste (DNTT) Timor-Leste rekolla reseitas iha setor dezenvolvimentu transporte iha teritóriu tomak hamutuk $4.669.311,50 ka miliaun $4 ba reseitas husi prosesu administrasaun oi oin ne'ebe aplikável tuir dekretu lei Ministeriu Transporte no Komunikasaun.


"Osan refere la’os husi osan infrasaun roda viariu de’it maibe mós husi kustu administrasaun oi oin iha Diresaun nasionál Transporte Tereste (DNTT)," dehan Diretora Nasional Maria Antonia Vítor iha ninia knar fatin Balide, Dili, Tersa ( 13/02).
Reseitas husi total $ 4.669.311,5 ne’e bele hetan tanba sidadaun barak mak halo infrasaun lei kódigu estrada entaun sira iha obrigasaun atu selu kustu infrasaun liu husi prosesu administrasaun oioin hanesan kada sidadaun Timorense tenke selu prosesu rejistrasaun rodaviáriu roda rua no roda haat nomos karta kondisaun antes iha kondisaun fundamentu uzu transporte referedu.
“Tanba ne'e hau fo mensajem ba kada sidadaun ne'ebe mak uza transporte roda haat no roda rua atu kumpri lei kodigu estrada ne'ebe aplikavel no kumpri prosesu rejistrasaun hotu hotu no karta kondisaun fundamentu ho nune'e bele krea justisa iha prosesu dezenvolvimentu transporte ba roda rua no haat iha teritoriu tomak,” nia dehan.
Alende ne'e mos nia proposta atu halo revisaun lei sira ne'ebe relevante hodi regula assuntu transporte rodaviáriu ho nune'e, aplikasaun lei sira bele efikás liu tan hodi kria justica iha setór dezenvolvimentu transporte em jeral iha Timor Leste.

Rate this item
(0 votes)

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30