Vizita Amu Papa mai TL, Hein Santa Sé Fó Sai Featured

By Ivonia Varela Fevereiru 08, 2024 669
Prezidente Repúblika (PR) José Ramos Horta hasoru malu ho Amo Papa Francisco, iha Vatikanu, Roma, foin lalais. Foto:Media Gabinete PR. Prezidente Repúblika (PR) José Ramos Horta hasoru malu ho Amo Papa Francisco, iha Vatikanu, Roma, foin lalais. Foto:Media Gabinete PR.

DILI: Vizitasaun Amu Papa mai Timor-Leste (TL), konfirmadu ona, no husu ba timoroan reza ba Amu Papa atu nune’e saúde diak nafatin.

Prezidente Repúblika (PR) José Ramos Horta hatete, vistasaun Amu Papa mai Timor-Leste la’ós novidade ona, tanba konfirmadu no sei monu iha tinan 2024.
Nia dehan, delegasaun Santa Sé sei mai iha Timor-Leste durante semana rua hodi haree ba lojístika, infrastrutura no seguransa.
“Koalia kona-ba vizita Amu Papa nia la’os novidade ona maibé delegasaun husi Santa Sé sei mai iha ne’e durante semana ida ka rua hodi hare ba lojistika, infra-estrutura no seguransa,” dehan Xefe estadu liu husi konferensia imprensa ne’ebé hala’o iha sala VIP Aeroportu internasional Nicolao Lobato Komoro, Kinta (07/02).
Prezidente afirma, kona-ba loron ne’ebé amu papa atu mai Prezidente labele ko’alia sai tanba delegasaun santa sé mak koalia sai tanba sei koalia ho parte igreja no governu.
“Ha’u labele koalia sai banhira loos mak no loron ida ne’ebé mak Amu Papa atu mai, maibé delegasaun Santa Sé mak sei mai iha ne’e hodi hatete sai tanba sei hasoru parte igreja no Governu,” tenik nia.
Ho nune’e, Xefe estadu husu ba Timor oan hotu atu reza ba Amu Papa nia saúde atu nune’e diak nafatin hodi bele vizita TL.

Rate this item
(0 votes)

Independente Digital TV

Tuir ami iha Twitter

Kalendariu Notisia

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31