Diretór Ezekutivu AHDMTL,  Gaspar Afonso, hatete, sasan sira ne’ebé UNICEF apoia mak hanesan, leptop 2, surat tahan braille 2, printer braille 2, livru riglet 10, stylus 10, kuadru sura formula 10, tongkat lipat 10, kalkulator koalia 2, relojiu koalia 4, buku dijital hodi muda koalia 2, tep rekorder dijital 2, layar uza halo boot 2, makina uza ketik letra braille 1 no Kompas koalia iha 6. 

“Sasan sira hanesan printer, ita bele uza hodi print informasaun sira no livru sira ne’ebé iha letra braille ami bele uza, no mós apoia sira ne’e bele fasilita ema ho defisiénsia matan sira asesu ba estudu,”deha nia iha edifisiu AHMDTL, Manleuana, tersa horseik (14/12).

Nia hatutan, dadauk ne’e ema ho difesiénsia matan ne'ebé tuir ona formasaun ba letra brailler hamutuk na’in 120.

Tanba ne’e, iha tinan oin mai AHMDTL loke mós formasaun kona ba letra braille iha teritoriu laran tomak, atu nune’e ema ho defisiénsia matan sira hotu bele partisipa iha formasaun refere.

Tuir nia, orsamentu ne’ebé UNICEF hodi sosa material sira hamutuk dolar amerikanu rihun $14. Nune’e, kada material ida, ezemplo hanesan printer montente bele to’o rihun $6 no material sira seluk bele to’o rihun $7.

Entretantu, tuir dadus, ema ho defisiénsia matan iha Timor-Leste hamutuk rihun 14.498.

Asistente Editor: Saturnina da Costa