UNDP Apoia Kamera Drone Neen Fasilita Servisu SEPS Featured

By Komunikadu Imprensa Juñu 17, 2021 342
UNDP Apoiu Kamera Drone Neen ba SEPS. Foto:Gab.SEPS. UNDP Apoiu Kamera Drone Neen ba SEPS. Foto:Gab.SEPS.

DILI:United Nation Development Programme (UNDP) apoiu kamera Drone neen (6) Mavic 2 pro ba Sekretariu Estadu Protesaun Sivil (SEPS), hodi fasilita diak liu sira nia servisu.

Iha seremonia entrega ne'e, Tuya Altangerel nudar Reprezentante UNDP hatete, sira intrega uluk Drone haat (4) hodi apoio servisu Sekretariu Estadu Protesaun Sivil nian, no tuir planu sei intrega tan rua iha tempu badak.

Nune’e, hodi rekolla mós dadus no mapamentu ba iha area ne'ebe risku husi dezastre naturais.

“Ami senti kontente intrega kamera Drone hirak ne’e ba Protesaun Sivil, dehan nia iha edifisiu SEPS foin lalais ne’e.  

Kamera Drone hirak ne'e kompletu ho nia asesores hotu ho folin dolar amerikanu $ 6.000 kada Drone ida.

Enkuantu,  ba Drone neen ne'e  ho montante orsamentu dolar amerikanu $36.000.

Reprezentante UNDP hatutan, kona-ba utilizasun Drone ne'e, UNDP rekruta ona espesialista ka formador ida hodi fó fromasaun ba funsionariu Protesaun Sivil nian iha Fulan-Jullu tinan ne'e.

Sekretariu Estadu Protesaun Sivil (SEPS), Joaquim José Gusmão dos Reis Martins agradese ba apoiu husi UNDP ne'ebé tulun ona servisu Protesaun Sivil nian iha terenu hodi responde situasaun dezastre naturais.

Tuir nia, Ekipamentu ne'e sei destribui ba iha Diresaun Nasional Jestaun Risku Dezastre Naturais.

Nune’e, husu ba funsionariu sira atu utiliza sasan hirak ne'e ho didiak no kuidadu.

Iha sermonia intrega kamera Drone husi UNDP ne’e, simu husi Sekretariu Estadu Protesaun Sivil ( SEPS) Joaquim José Gusmão dos Reis Martins ne’ebé akompanha husi Direktur Jeral Protesaun Sivil Superitendenti, Ismael da Costa Babo no kargu Xefia sira.

 

Asistente Editor: Saturnina da Costa

Rate this item
(0 votes)
Last modified on Kinta, 17 Juñu 2021 11:41

Independente Digital TV