Nia hateten, projetu tasi mane tribunál rekursu foti desizaun la simu no la fó vistu ba kontratu ne’ebé hala’o entre Estadu Timor-Leste ho empreza Koreia ho naran Hyundai.

Nune’e, Tribunál Rekursu la fó vistu ne’e duni governu halo rekursu hodi kontra desizaun ida ne’e. Tanba ne’e, juis tolu de’it entaun labele fó desizaun ba rekursu ne’e tanba juis laiha tan ona.

“Ami labele repete fali tanba ami mak fó primeiru instánsia no ami labele akumula fali. Tanba ne’e, hein juis foun iha ona mak foin ba iha prosesu,” dehan Juis Guilherminho, iha ninia servisu Fatin Kaikoli-Dili, Sesta (3/2).

Uluk kedas Tribunál Rekursu nia desizaun ne’e la fó vistu, maibé husi Governu halo rekursu, no tribunál labele rezolve tanba iha ne’e juis tolu de'it.

Juis fó ona desizaun labele fó fali desizaun ba rekursu sei hein loron ikus karik iha juis foun foin mak bele ba iha prosesu ne’e, tanba ne’e mak prosesu rekursu ne’e agora pendente hela seidauk bele rezolve.