TL Esporta Tutan Foos Subsidiu ba Indonézia Featured

By Ekipa INDEPENDENTE Abril 18, 2024 102
Fos subsidiu ho marka Amo de Familia. Foto:Dok/INDEPENDENTE. Fos subsidiu ho marka Amo de Familia. Foto:Dok/INDEPENDENTE.

DILI: Reprezentante povu iha Parlamentu Nasional (PN) preokupa ho fós subsidiu ne’ebé Ministeriu Komersiu Industria (MKI) atribui ba kompania sira, maibe deskonfia kamineota mai tula fos iha rai-laran ba fa’an fali iha NTT-Indonesia.

Bankada opozisaun Fretilin konsidera situasaun ne’e akontese Ministeriu Finansas liu-husi Autoridade Aduneira dukur la halo kontrola ba kamioneta ne’ebé tula fós.

Deputadu Bankada Fretilin, Antoninho Bianco hateten, kleur ona hatene buat ne’e, entaun agora Ministeriu Finansas mak tenke hatene tanba alfandega ne’e iha MF ninia atu hatama sasan no hasai sasan alfandega mak hatene.

"See kamioneta lori fós ba fa’an iha NTT ne’e kontrolu mak ladun di’ak ou keta halo ema balun iha laran mak fasilita malu iha laran para hodi lori sasan sai ne’e sein kontrolu”, dehan nia, iha PN, horisehik.

Tanba ne’e, husu ba MF liuhusi alfandega ninia responsabilidade, liuliu tau-matan ba sasán sira ne’ebé sai iha fronteira to’o ona iha ne’ebé, tuir lolos persiza tau atensaun.

“Iha postu integradu iha ne’eba ne’e komponte hotu hotu iha laran, ne’e frakeza iha kontrolu, iha sasan tama no sai, entaun husu MF ninia responsabiludade atu orienta parte Alfandega sira, iha parte terestre tanba sasan sira bele fa’an fali ba iha liur ne’e oinsa”, nia hato’o.

Molok ne’e, Prezidente Camara Comercio Industria Timor Leste (CCI-TL), Jorge Manuel de Araújo Serrano hateten, atu rezolve problema folin fos, presiza hasa’e produsaun fós iha Timor Leste.

"Observasaun jeral tanba Timor Leste opta merkadu livre, no bainhira nesesidade konsumu iha rai laran aumenta importasaun mos sae, bainhira ita produs barak liu tan no konsumu hahan rai laran folin foos sei tun no ida nee mak solusaun," dehan nia.

Nia dehan, atu esplika kona ba polítika hatun folin foos ida ne’e governu mak sei koalia, maibe hanesan Prezidente CCI-TL nia iha informasaun no iha konesimentu ba empreza sira ne’ebé importa foos subsidiu, iha empreza lima maibe tolu deside la hola parte no rua deit mak importa foos subsidiu.

"Problema ida mos ita bo’ot sira hatene katak kamioneta sira ne’ebé mai husi fronteira tula ai-han husi NTT mai faan iha ne’e fila fali tula ho foos subsidiu sira nee ba faan iha NTT ne’ebé husu ba hotu-hotu atu akompanha mos situasaun sira ne'e," katak nia.

Rate this item
(0 votes)

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31