Portavoz Petisionáriu Militante Partidu FRETILIN José Agustinho Sequeira hatete, petisaun ne’ebé submete ba CCF ne’e mai husi militante munisípiu 12 rua inkliu Rejiaun Admnintrativa Espsial Oekusse Ambeno (RAEOA).
“Ezije ba CCF atu konvoka kongresu nasional extraordinariu no eleisaun direita ba presidente no Sekretáriu Jerál FRETILIN, tuir partidu nia estatutu haruka iha tinan 2024 nia laran,” dehan Porta voz Somotxo iha CCF Komoro, Kuarta (31/01).
Iha fatin hanesan, Militante Partidu FRETILIN Rui Maria de Aroujo hatete, petisaun ne’e militante no kuadru partidu FRETILIN submete ne’e bá Komité Sentral FRETILIN no lideransa Partidu hanesan Prezidente Partidu no Sekretariu Jeral.
“Momentu ida ne’e militante no eis kuadru partidus balun halo petisaun ida lideransa partidu no mos membru komite sentral,” dehan Rui Maria Aroujo.
Militante no kuadro partidu FRETILIN, ne’ebé asina dokumentu ne’e ho baze ba direitu atu livremente exprime ninia opiniaun no aprezenta ba respetivu orgaun sira, Kritika, opiniaun no proposta konaba organizasaun no aktividade FRETILIN nian.