Ministru Negósiu Estranjeiru Malázia, Datuk Seri Mohamad Hasan konsidera eventu ne'e hanesan momentu istóriku ida ne'ebé haree espansaun hosi ámbitu ASEAN nian hodi inklui nasaun soberanu hotu-hotu iha Sudeste Aziátiku.

“Ida ne’e hanesan momentu istóriku ida ne’ebé ita selebra ohin,” Datuk Seri Mohamad Hasan hateten iha ámbitu serimónia entrega instrumentu ne’e, sábadu (25/10/2025).

Mohamad haktuir katak nu’udár Prezidente ASEAN, hamutuk ho nasaun membru sira seluk, hato'o parabéns ida bá povu Timor-Leste.

"Ohin ami selebra, nasaun ida ne'ebé harii iha korajen, fortaleza no esperansa ne'ebé nunka lakon ne'ebé ami hein kleur imi-nia adezaun tomak. Bemvindu bá família ASEAN nian no bá karta ne'ebé ami simu ona,"nia hateten.

Instrumentu Adezaun bá Karta ASEAN no Akordu Zona Livre hosi Arma Nuklear Sudeste Aziátiku (SEANWFZ) ne'e submete direta hosi Ministru Negósiu Estranjeiru no Kooperasaun (MNEK) Timor-Keste,  Bendito dos Santos Freitas.

Photo Credit: BernamaNews