Nune’e, ohin (26/10), deskreve entrada istóriku Timor-Leste nian iha ASEAN hanesan momentu importante ida ne’ebé reafirma espíritu rejionál kompartilladu no futuru nasaun membru bloku nian.

Primeiru-Ministru Datuk seri Anwar Ibrahim, hatete, iha serimónia inaugurasaun Simeira ASEAN ba dala 47 no Simeira Asosiadu iha ne’e, katak inkluzaun Timor-Leste fó sentidu foun ba vizaun ASEAN ne’ebé inkluzivu no unidu.

"Timor-Leste nia inkluzaun kompleta família ASEAN nian reafirma ami nia futuru fahe no lasu familiár rejionál sira. Iha komunidade ne'e, Timor-Leste nia dezenvolvimentu no autonomia estratéjiku sei hetan apoiu unifikadu no kontínuu", dehan Primeiru-Ministru Malázia iha ambitu seremonia asinatura akordu ofisial Timor-Leste adezau ba ASEAN, Domingo (26/10).

Primeiru-Ministru Malázia hatete, ohin dadeer nia parte fó benvindu ba lideransa nasaun membru ASEAN inklui Timor-Leste no mós Prezidente sira, nomeadamente Brazil, Áfrika do Súl, Kanadá, Nasoens Unidas (ONU) no Uniaun Europeia.

Nu'udar uma-na'in no Prezidente, Malázia parese lidera ho konfiansa no prinsípiu sira, hodi garante katak ASEAN sai nafatin apoiante ida ba estabilidade rejionál, líder prinsipál ida iha diplomasia globál no lian influente ida ba Súl Globál.

Prezidénsia ne'e reflete espíritu ASEAN ida ne'ebé unidu no Malázia nia valór sira MADANI nian ne'ebé subliña justisa.

Malázia sei kontinua lidera ho determinasaun atu hametin unidade rejionál, hametin nia povu no harii Sudeste Aziátiku ida ne’ebé seguru, prósperu no reziliente ba jerasaun sira iha futuru.