Segunda, 27 Setembru 2021 | Login
Dadus Atual Covid-19 Dadus Atual Covid-19

Suspeitu COVID-19 Na’in 1.565 Halo Ona Teste Laboratóriu Featured

DILI: Atualizasaun dadús Corona Virus Deasses 2019 (COVID-19), liu husi portal Sentru Integradu Jestaun Krize ba loron Tersa (26/5), fó sai katak, suspeitu COVID-19 iha Timor-Leste hamutuk na’in 1.565 maka halo ona teste laboratóriu.

Tuir Dadus ne’ebé fó sai liu husi pájina ofisial SIJK katak, númeru kumulativu kazu konfirmadu mantein 24 la iha kazu foun. Sira na’in 24 ne’e hamutuk ho provavel na’in haat ne’e rekuperadu ona.

Númeru kumulativu ema ne’ebé maka halo teste laboratóriu hamutuk 1.565, ema ne’ebé maka nia rezultadu negativu ona hamutuk 1.519 no ema na’in 22 maka sei hein rezultadu laboratóriu.

Total ema ne’ebé maka sei iha konfinamentu obrigatóriu hamutuk na’in 75, iha Dili hamutuk na’in 66 no iha RAEOA hamutuk na’in hitu. Ema ne’ebé maka halo auto kuarentena hamutuk na’in 31 iha Dili hamutuk na’in 24, Baukau nain haat, Bobonaro nain ida, Manatuto nain ida no RAEOA nain ida. Ema ne’ebé maka pasa ona loron 14 iha kuarentena hamutuk na’in 2.304.

Ministériu Saúde apela nafatin ba públiku katak proteje aan halo medida preventiva sira hanesan fase liman bebeik ho sabaun ka uza hand sanitizier. Labele ka’er matan inus no ibun, limita halibur malu iha grupu boot no iha fatin públiku. Sai husi uma uza maskara.

 

Read 1687 times
Rate this item
(0 votes)