Suku Faturilau Seidauk Asesu ba Ahi, Estrada no Bee-moos Featured

By Joenaca Da Conceicao Novembru 23, 2020 835
Xefe Aldeia Kairemen, Suku Faturilau, Geraldo de Jesus Araújo. Foto INDEPENDENTE/Joenaca da Conceicao Xefe Aldeia Kairemen, Suku Faturilau, Geraldo de Jesus Araújo. Foto INDEPENDENTE/Joenaca da Conceicao

LEKIDOE: Suku Faturilua Postu Administrativo Lekidoe Munisipiu Aileu too ohin loron seidauk hetan direitu baziku ba asesu estrada, eletrisidade no bee-moos ne’ebé prejudika folin nesesidade baziku as.

Distansia kapital Dili ho Munisipiu Aileu hamutuk kilometru 44, ho viajen transporte kareta ka motor kuaze horas 2 liu minutu 5.

Xefe Aldeia Kairemen, Suku Faturilau, Geraldo de Jesus Araújo hateten kondisaun estrada ne’ebé prejudika ba movimentasun ekonomiku hodi halo folin ba nesesidade baziku sira sae makas,tanba laiha transporte públiku.

Tanba ne’e Xefe Suku husu ba Guvernu atu bele hadia estrada, elektisidade no bee-moos ba komunidade sira tanba nu'udar nesesidade primaria.

"Ba ami importante tebes ami nia hakarak maka bee- moos tenke iha, ami mos husu ba energia elerisidade ne’e importante no estrada buat tolu ne’e importante los mai ami, ami povu kiik nia husu mak ne’e deit ami la husu buat oioin,,"dehan nia ba onlain INDEPENDENTE iha Aldeia Kaireme, suku Faturilau.

“Kona-ba estrada suku Ida nee mos ejije hela deit tanba kuadu iha tempu udan difisil los atu tula ami Nia sasan sira ne’ebé ami tula husi vila mai, iha keos deit mak iha laiha movimentu lori sasan mai fa’an iha so keos de’it mak iha sira ba sosa sasan iha Dili depois mai fa’an fali iha ne’e kada saku ida ho kilograma 25 ho folin US$15, mina litru 5 folin US$ 8,"haklaken nia

Alende ne'e, too ohin loron postu saúde Faturilau seidauk iha pesoal saúde ne'ebé destakadu.

Tuir nia, kuandu iha ema ruma moras derepente tenke ba komunika diretamente sentru saúde iha postu, tanba iha postu saúde kada fulan halo de'it atendimentu dala ida.

"Nee pesoal saúde laiha fulan mak sira mai konsulta, tetu labarik sira, maibé doutor la mai hela, enfermeiru sira deit,"haklaken nia

Rate this item
(0 votes)

Independente Digital TV