Segunda, 27 Setembru 2021 | Login
MSSI, Armada Berta dos Santos MSSI, Armada Berta dos Santos

Subsidiu $100 Ba Uma Kain Hein Dadus Husi MAE Featured

DILI:Ministra Solidariedade Sosial Inkluzaun (MSSI), Armada Berta dos Santos informa, too oras ne'e sedauk bele halo pagamentu $100 ba uma kain tanba sei hein dadus husi Ministériu Administrasaun Estatal (MAE) ne'ebé termina iha loron 8 Fulan ida ne'e.

"Ministériu sei hein hela dadus husi……MAE hodi halo pagamentu $100 ba uma kain,"dehan Ministra ne’e, iha salaun MiInistériu Finansas, Aitarak laran, ohin,(06/05)

Nia dehan, loron 8 fulan-Maiu mak loron ikus ba Ministériu Administrasaun Estatal (MAE) aprezenta dadus hodi halo pagamamentu.

"Ami atu halo buat ida presiza dadus husi (MAE) nune'e ami sei servisu hamutuk hodi nune'e bele halo pagamamentu $100 ba uma kain sira,"tenik nia.

Entrrtantu kona-ba data fiksa ba fahe subsidiu $100 ba uma kain to'o oras ne'e seidauk fiksa lolos maibé iha fulan-Maju nian laran.

Antes ne'e Vise Ministru Administrasaun Estatal (MAE), Jose Abilio Caetano Informa, rekoilla hela dadus fixa familia uma kain atinze ona too pursentu 70 ne'ebé sei termina iha loron 4 fulan ne'e. Maibé liu ona loron ne’ebé nia promete, ohin loron 6 fulan-Maiu.

"Sim dadaun Xefe suku sira halo hela levantamentu ba uma kain sira dadus 2015 total rihun 204 uma kain aumenta tan 5% foun ne’e tau hamutuk rihun 214 familia uma kain,”dehan nia.

Nia dehan, tuir planu pagamentu sei halo iha kada suku no sei fahe iha loron hanesan, atu nunee laabele mosu simu dala rua.

"Pagamentu sei halo iha suku nunee semak pertense iha suku tenke ba iha suku no distribuisaun osan ne'e sei halo serentak loron ida de’it nunee ema labele simu iha suku ida ba fali suku seluk iha Munisipiu tanba funsionariu barak mak servisu iha Dili,"tenik nia.

Governante ne'e akresenta, osan atu fó fulan Ida ou rua nian seidauk fiksa maibé Governu nia planu mak apoiu situasaun emerjénsia.

"Ha’u labele dehan fó fulan Ida ou rua tanba ita fó ba Estadu Emerjénsia bele fulan ida ou fulan rua depente,"tenik Vise MAE Abilio.

 

Read 3308 times
Rate this item
(0 votes)