Sidadaun 'Ilegal' Vietname-Indonesia Na’in 13 Negativu Covid-19 Featured

By Elsa Belinha Juñu 15, 2020 2284
Dr. Rui Maria de Araujo Dr. Rui Maria de Araujo

DILI:Ekipa Vizilansia Epidemolojia hasai amostra ba sidadaun estranjeiru 'illegal' sira husi nasaun Vietnam ho Indonesia hamutuk na’in 13 rejultadu laboratóriu hatudu negativu ba kazu Covid-19.

Porta Voz Sentru Integradu Jestaun Krize (SIJK) Doutór Rui Maria de Araújo hatete, iha loron 12 fulan-Juñu sidadaun Vietnam na’in 11 no sidadaun Indonezia na’in rua (2) ne’ebé hala’o viajen loron 10 fulan-Juñu liu ba husi sidade Kendari, provinsia Sulawesi Tengara iha Indonezia tama ho sira nia ró iha ilha Jaco munisípiu Lautem tanba presiza ajuda kombustivel hodi bele kontinua sira nia viajen iha tasi laran.

“Autoridade Munisípiu Lautem hamutuk unidade resposta rápida sala situasaun SIJK transfere sira na’in 13 mai kuarentena iha Dili no halo ezame laboratóriu sira nia rezultadu negative,”dehan nia liuhusi konferensia imprensa iha CCD, ohin.

Nia esplika, oras ne’e dadaun sira na’in 13 halo konfinamentu iha fasilidade Governu nian, autoridade kompetente sira akompaña hela sira nia prosesu husi perspetiva imigrasaun nian.

Tuir informasaun ne'ebe online INDEPENDENTE asesu husi peskador Ponte-Leste nian hatete, sidadaun estranjeiru ne'e tama ilegalmente ho sira nia ro peskas hodi naok ikan iha tasi Timor-Leste, illa Jaco nian.

Nia dehan, babain ona peskador ilegal sira ne'e tama ona area illa Jaco hodi na'on ikan. Peskador timoroan la brani besik sira tanba peskador ilegal sira ne'e ho ekipamentu kroat kompletu. Mesmu nune, polisia maritima mos la brani besik sira relasiona ho falta ekipamentu hodi halo kapturasaun.

 

Rate this item
(0 votes)

Independente Digital TV