Enkuantu, traballadór na’in hirak ne’e sei ba servisu iha área peskas nian.

Diretór Nasional Emprego Exterior, Filomeno Soares husu ba traballadór sira atu labele haluhan katak sira mak sai fonte ba nasaun timor nia pasadu no futuru.

“Imi bele ba Korea tanba esforsu no sakrifisiu ne'ebe imi mak imi nia maun sira halo ona iha pasadu imi nia komportamentu no servisu diak sei ofere imajen diak ba ema Korea no iha futuru alin barak mak sei ba Korea bainhira imi nia komportamentu servisu diak iha neba," dehan nia, iha salaun Timor Lodge Komoro, kinta (08/06).

tanba ne'e, nia husu ba traballador sira karik lahatene lei laboral ruma iha ne’eba favor konsulta patraun ka ema ne'ebé hatene, nune’e labele mosu problema ruma.

Entretantu, traballadór ne’ebé ba servisu iha Korea Súl, durasaun tempu masimu tinan tolu no tinan haat.

Ba traballadór illegal nia dehan, dadauk ne’e traballador hamutuk rihun 1.000 ilegal, nune’e Governu sei buka meius atu haruka sira fila mai Timor.

Iha fatin hanesan, reprezentante traballador Timor oan husi Munisipiu Covaliman Postu Administrativu Tilomar suku Maudemo Aldei Besakoan, Norberto Cardoju antes ba servisu iha Korea ba dahuluk tenki kursu sira nia lian prosesu aprendijazen ne'e laos aprende lian deit, maibé estuda mós etika no aprende mós konaba oinsa dezenvolve ekonomia Korea nian lao ba oin.

"Hau nia mensajen ba joven sira keta lakon oportunidade ne'ebé iha no aproveita oportunidade, atu nune’e bele atinji ita nia mehi”.