Antes foti desizaun, tuir planu ajenda, Xefe Estadu sei tuur hamutuk ho Konsellu Estadu no partidu polítiku sira hodi rona sira nia ideia.

Tuir orden, Francisco Lú-Olo sei simu delegasaun partidu sira ne’ebé hetan kadeira iha Parlamentu Nasionál tuir proporsionalidade ne’ebé iha.

Ne’e duni, reuniaun sei hahú uluk ho ho delegasaun FRETILIN, depois delegasaun partidu CNRT.

Hafoin ne'e maka sei simu delegasaun husi Partidu Libertasaun Populár (PLP), tuir Partidu Demokrátiku (PD) no ikus liu ho partidu KHUNTO.

Hafoin ne'e, sei hala'o reuniaun ho Konsellu Estadu nian, ne’ebé sei ko'alia kona-ba dalan ne’ebé di’ak liu hodi bele foti destinu nasaun ne’e nian ba futuru.

Reuniaun ne’e sei prezide husi Xefe Estadu, halo parte mós husi eis-Prezidente, Xanana Gusmão, José Ramos Horta ho Taur Matan Ruak, no personalidade sira seluk. Maski nune’e, Xanana Gusmão sei la partisipa tanba iha estranjeiru.