Ministru Negósiu Estranjeiru no Kooperasaun, Aurélio Sérgio Cristóvão Guterres hateten, orsamentu duadesimu ne’e fó afeta servisu ministériu ninia, maibé ne’e ministériu tenke buka halo jestaun didi'ak atu osan duadesimu ne’e bele garante funsionamentu normál

“Tenke halo jestaun di'ak liután hodi garante funsionáriu normál ba ita-nia embaixada sira, ita-nia misaun sira no ita-nia konsuladu sira iha rai li'ur”, dehan nia, iha Palásiu Prezidensiál, Bairru-Pité, Sesta (19/1).

Orsamentu retifikativu ne’ebé la hetan aprovasaun husi Parlamentu Nasionál fó afetasaun makaas ba servisu diplomata sira nian iha rai li'ur, liuliu implementasaun polítika Estadu nian iha estranjeiru.