Sekretáriu Estadu Arsénio Fó Pose ba Xefe Suku Na’in 15 iha Kelikai Featured

By Ivonia Varela Novembru 29, 2023 1576
Sekretáriu Estadu Kooperativa Arsénio Pereira da Silva hamutuk ho Padre Parokia Santa Terezinha Kelikai, Pe, Justinianu de Sousa fó pose ba Xefe Suku na’in 15 hamutuk ho konsellu suku hanesan xefe aldeia, lia na’in no delegadu ho delegada sira, iha Postu Administrativu Kelikai, Munispiu Baukau, iha ambitu komemorasaun loron Proklamasaun Independensia ba dala-48. Foto:INDEPENDENTE/Ivonia. Sekretáriu Estadu Kooperativa Arsénio Pereira da Silva hamutuk ho Padre Parokia Santa Terezinha Kelikai, Pe, Justinianu de Sousa fó pose ba Xefe Suku na’in 15 hamutuk ho konsellu suku hanesan xefe aldeia, lia na’in no delegadu ho delegada sira, iha Postu Administrativu Kelikai, Munispiu Baukau, iha ambitu komemorasaun loron Proklamasaun Independensia ba dala-48. Foto:INDEPENDENTE/Ivonia.

BAUKAU: Sekretáriu Estadu Kooperativa Arsénio Pereira da Silva hamutuk ho Padre Parokia Santa Terezinha Kelikai, Pe, Justinianu de Sousa fó pose ba Xefe Suku na’in 15 hamutuk ho konsellu suku hanesan xefe aldeia, lia na’in no delegadu ho delegada sira, iha Postu Administrativu Kelikai, Munispiu Baukau, iha ambitu komemorasaun loron Proklamasaun Independensia ba dala-48.

Postu Administrativu Kelikai iha suku hamutuk 15 no aldeia 55, tan ne’e Xefe Suku na’in 15 ne’ebé eleitu sei lidera suku durante periodu tinan hitu, hahú husi 2023-2030.

Xefe Suku na’in 15 ne’ebé hetan pose kompostu husi mane na’in 14 no feto ida. Sira ne’e mai husi Suku Abafala, Abu, Afaçá, Bualale, Baguia, Guraça, Lakoliu, Laisorulai de Baixo, Laisorulai de sima, Lelalai, Letemumo, Makalaku, Maluru, Namanei no Suku Uaitame.

Aleinde,

Hafoin fó pose ba Xefe Suku sira, Sekretáriu Estadu Kooperativa husu ba Xefe Suku eleitu atu sai lideransa ida ne’ebé diak hodi servi povu no servisu hamutuk ho komunidade sira husi nivel baze to’o nasional.

“Sai servidór ida diak, atu nune’e oinsa servisu hamutuk hodi dezenvole ita nia rai hahú husi suku, postu, munisipiu to’o nasionál, tan ida ne’e mak ita hotu nia esperansa, hakarak  Timor iha hakmatek nia laran, hodi dudu dezenvolvimentu ekonomia bele la’o ba oin,” dehan Sekretariu Estadu iha Suku Letemumo, Postu Administrativu Kelikai, (28/11).

Iha fatin hanesan, Xefe Suku Bualale eleitu, Gabriela Belo da Consenção hatete, povu fó ona fiar, tan ne’e sei lidera suku refere tuir komprimisiu ka juramentu ne’ebé halo ona, no sei kria programa sira seluk iha suku laran.

 “Ba futuru mai ha’u hakarak dezenvolve ha’u nia feto maluk sira ne’ebé hela iha área remotas, kria jogu amijade iha suku laran, nafatin foti ha’u nia feto maluk sira hanesan idozus no defesiensia atu hetan  sira nia direitu,” dehan nia.

Gabriela mós, nafatin husu ba IX Governu Konstituisionál atu nafatin apoiu fundus ba suku no aldeia sira atu nune’e bele dezenvove diak liu tan suku refere.

Entretantu, Apoiante Administrasaun Suku Abafala Francisco Menezes Correia hatete, husu ba Governu liu husi Autoridade Munispiu to’o Nasionál atu tau nafatin atensaun ba membru Konsellu suku sira no fasilita mós formasaun ba sira atu nune’e bele halo atendementu diak liu ba komunidade.

Tuir observasaun Online INDEPENDENTE nian iha terenu notak katak, Sekretariu Estadu Kooperativa Arsénio Pereira da Silva sai inspetór ba seremonia isár bandeira hodi komemora loron Proklamasaun Independensia ba dala 48 ho tema “Selebrar a História Construir o Futuru,” iha Suku Letemumo Postu Administrativu Kelekai Munispiu Baukau.

Rate this item
(0 votes)
Last modified on Kuarta, 29 Novembru 2023 15:23

Independente Digital TV