Sekretária Estadu Igualdade Hala’o Enkontru ho Komite CEDAW Featured

By Agostu 01, 2023 885
Sekretária Estadu Igualdade hala’o enkontru ho komite Konvensaun kona ba Eliminasaun Forma Diskriminasaun Hotu Kontra Feto (CEDAW-Sigla Ingle). Foto:Media Gabinete SEI. Sekretária Estadu Igualdade hala’o enkontru ho komite Konvensaun kona ba Eliminasaun Forma Diskriminasaun Hotu Kontra Feto (CEDAW-Sigla Ingle). Foto:Media Gabinete SEI.

DILI: Sekretária Estadu Igualdade hala’o enkontru ho komite Konvensaun kona ba Eliminasaun Forma Diskriminasaun Hotu Kontra Feto (CEDAW-Sigla Ingle). 

Objetivu husi enkontru refere mak Ekipa CEDAW SEI no UN WOMEN aprezenta kona-bá progresu, Rekomendasaun no Observasaun Finál CEDAW ne’ebé iha, hodi integra mós ba iha programa SEI nian, tanba iha programa 120 Diak, iha mós programa Sosializasaun no Sensiblizasaun kona-bá Rekomendasaun Observasaun finál CEDAW tinan 2023.

Tanba antes ne’e Estadu Membru iha obrigasaun hato’o relatóriu periódiku kada tinan haat ba Komitê CEDAW, nune’e mak iha tinan 2021 Estadu Timor-Leste liu husi SEII submete ona relatóriu periódiku dahaat nian no hato’o aprezentasaun iha Jenebra ba Komité CEDAW iha loron 9 fulan Maiu tinan 2023.

“Ohin hamutuk ho Ekipa CEDAW atu halo aprezentasaun kona ba progresu saida mak CEDAW halo, rekomensdasaun prinsipál saida mak husi CEDAW no observasaun final tanba ne’e importante tebes, ida ne’e tama mós ba iha programa 120 dias nia bele apar ho ekipa CEDAW,” hateten.Sekretária Estadu Igualdade Elvina Sousa Carvalho, iha Komunikadu ne’ebé Online INDEPENDENTE sita.

Tan ne’e husi sorumutu refere, ekipa CEDAW aprezenta aréa prioridade ba dahaat nian no ho nia rekomendasaun SEI nian ba Suá Exelénsia hodi bele kria planu ida hodi haree ba iha futuru.

Entretantu, iha enkontru ne’e, Sekretária Estadu ba Iguáldade (SEI) Elvina Sousa Carvalho akompaña husi Diretor Jerál-SEI Armando da Costa realiza enkontru ho komite CEDAW no UN WOMEN, kompostu husi Diretora Nasionál Politika Jéneru no Inklusaun (DNPGI) Maria Filomena Babo Martins, Xefe Departamentu Abordajen Integradu Jéneru (DAIJ) Hermínio Xavier, husi UN WOMEN mak Uvalda Alvesno no Gloria Uwang.

Rate this item
(0 votes)
Saturnina da Costa

Jornalista Jornal Independente

https://independente.tl

Independente Digital TV