Diretór Jerál-SEI, Armando da Costa hatete, relatóriu plataforma asaun Pequin ne'e hanesan dokumentu ida atu avansa igualidade jeneru direitu feto iha area hotu-hotu ne'ebé nasaun adapta iha konferensia mundiál ba feto iha tina 1995.
Tanba komunidade internasional konkorda ona atu apoiu dezenvolvimentu feto nia direitu liu husi prekupasaun krítiku hamutuk 12.
"Preukupasaun krítiku hamutuk 12 ne'ebé ko'alia kona-bá ba, feto nia pobreza, edukasaun no formasaun ba feto, feto no save, violensia hasoru feto, feto no konflitu armada, feto no ekonomia, feto iha poder no toma desizaun, mekanizmu internasional sira, direitu bandu feto nian, feto no média, feto no ambiente, labarik feto," dehan Diretór Jeral iha Salaun Delta-Nova, Sesta (12/04).
Iha biban ne’e, Xefe Interina UN Women, Lumena Freitas Exposto, hatutan, UN Women kolabora ona ho Governu TL atu transforma komprimisu realidade konkretu ba feto no labarik feto sira iha mundu tomak.
Tan ne'e, UN Women Iha disponibilidade atu apoiu ba nasaun membru sira hodi bele kompleta sira-nia relatóriu nasionál hodi fo matadalan ho asisténsia.
Enkuatu, relatóriu deklarasaun plataforma asaun Pequin ba dala 30 TL sei submete ba ONU iha loron ida Fulan Juñu tinan 2024.