SEFOPE husu Traballadór Hatoman Aan Husu Deskulpa Featured

By Ivonia Varela Fevereiru 28, 2024 4543
Traballador sira neebe atu ba servisu iha Australia. Foto: Dok. Traballador sira neebe atu ba servisu iha Australia. Foto: Dok.

DILI:  Sekretáriu Estadu Formasaun Profisionál no Empregu (SEFOPE), Rogério Araújo Mendonça husu ba traballadór sira bainhira ba servisu iha ema nia rai, bainhira halo sala,  hatoman aan husu deskulpa ba na’in ba kompaña no mós superior sira hodi la’o tuir regulamentu no prosedimentu.

"Ita hotu hatene ona katak kultura nasaun hotu-hotu la hanesan, tanba ne'e husu ba traballadór ba servisu  tuir regulamentu Korea nia, bainhira imi hanesan Traballadór kuandu halo sala, liafuan deskulpa laos buat todan ida, husu deskulpa ho oin hamansa” dehan Sekretariu Estadu iha Timor Lodge Komoro, Kuarta (28/02).

Sekretáriu Estadu afirma, ba traballadór sira ne'ebé foun ka foin mak atu ba, tenke adapta aan ho ema nia ambiente foun iha Korea no  hatudu disiplina ho maturidade iha servisu fatin, hodi nune'e bainhira fila mai Timor-Leste,  bele iha tan Oportunidade husi Empregador hodi ba servisu iha ne'eba.

Governante salienta, ba traballadór sira ne’ebé mak iha Timor-Leste mete arte marsiais bainhira sai husi Timor-Leste ba iha Korea, atributu organizasaun rai hela ho Família, nune'e fila mak bele uza fila-fali iha rai Laran.

Entretantu, kuarta ne’e, Governu liu-husi Sekretáriu Estadu ba Formasaun Profisionál no Empregu (SEFOPE), asina deklarasaun ho traballadór na’in 95 molok aranka ba Súl Korea.

Enkuantu, Husi númeru traballador na’in  95, kompostu husi Re-entry na’in tolu , no foun  92, ne’ebé sei ba servsisu iha área peskas no Fabrika.

Rate this item
(0 votes)
Last modified on Kuarta, 28 Fevereiru 2024 17:37

Independente Digital TV