Sekretariu Estadu hatete katak, bazeia ba regra, atu harii uma tenke ho distansia metru 10 husi mota-ibun.

Deklarasaun husi SE Germano ne’e relasiona ho pergunta husi komunidade ida, Alfredo Ximenes, iha Taibessi, ne’ebé husu kona-ba distansia harii uma husi mota-ibun.

"Ami hanesan komunidade hakarak hatene de'it distansia husi mota boot metru hira no mota kiik metru hira? Ami hatene atu prevene an husi buat sira ne'e," dehan Alfredo, iha Sentru Juvenil, Taibesi, Sesta (22/08)

Ba kestaun ne’e, SE Germano hatete, ema ne’ebé hela iha mota-ninin husi Bidau Santa to'o terminal Bedois no husi ponte Maufelu to'o Bekae, distansia husi mota-ibun tenke metru 10.

"Kuluhuun Temporal ne'e metru 10 hotu tanba mota-ibun labele book, ne'e estadu nia sasán, labele ba besik iha ne'ebá. Halo favor muda sees hodi labele hanoin makina mai kait de'it.”

“Metru 10 husi mota ibun livre hodi atu loke estrada, makina tama-sai mota laran hasai rai-henek. Tanba ita kuandu udan ona mota nakonu lalais, ne'ebé ita la kestiona,” nia esplika.

Ba distansia husi mota kiik, SE ne’e dehan, nia la hatene, so ba haree ho matan mak foin bele hatene distansia hira.

“Iha ponte Komoro nian sa'e ba sira ne'e normalmente estrada metru 10 ne'e husik livre, labele tau baraka iha ne'ebá, ita atu sobu mai ko'alia barak ho buat sira ne'ebé lá'os dezenvolvimenutu nian," katak Nia

Tan ne’e, Germano husu ba komunidade sira ne’ebé hela iha mota-ninin atu muda ba rai-hun.

"Imi tenke muda ba rai-hun hodi makina bele halo servisu.”