Rogerio Simu Ona Pose Lidera RAEOA Durante Tinan Lima Featured

By Ivonia Varela Fevereiru 01, 2024 701
Primeiru-Ministru, Kay Rala Xanana Gusmão fo pose ba Prezidente Autoridade RAEOA, Rogeiro Lobato. Foto:Media GPM. Primeiru-Ministru, Kay Rala Xanana Gusmão fo pose ba Prezidente Autoridade RAEOA, Rogeiro Lobato. Foto:Media GPM.

DILI: Primeiru-Ministru, Kay Rala Xanana Gusmão, akompaña hosi Ministru Administrasaun Estatál (MAE), Tomás do Rosário Cabral no Ministru Planu Investimentu Estrateziku (MPIE), Gastão de Sousa fó pose ba Prezidente Autoridade Rejiaun Administrativa Espesiál Oé-Cusse Ambenu (REAOA), Rogério Tiago Lobato ho estrutura Zona Ekonómia Sosiál Merkadu Timor-Leste (ZEESM-TL) ba mandatu tinan lima.


Primeiru Ministru Kay Rala Xanana Gusmão, husu ba autoridade no Povu Oé-Cusse atu hamutuk ho Prezidente REAOA, Rogério Lobato hodi hadia problema hotu ne’ebé povu hasoru hodi lori Abeno hakat dezenvolvimentu.
Xefe Governu dehan, dadaun ne'e povu barak ne’ebé hela iha área rurál seidauk sente benefisiu hosi ukun aan. Tanba ne’e, povu hili IX Governu Konstitusionál atu halo mudansa ba naksalak sira ne’ebé durante ne’e mosu.
"Povu hili IX Governu Konstituisionál mai atu hadia no didi d3zenvolvimentu TL tanba ne'e Hau husu povu Arini ini hamutuk ba ho estrutura ne'e, atu ita hamutuk hadia rai ne'e,"dehan PM Xanana liu husi komunikandu ne'ebé Online INDEPENDENTE sita.
PM Xanana dehan, autoridade sira ne’ebé simu posse la’òs haree ba kór partidu CNRT ka FRETILIN, maibé haree liu ba sira nia kapasidade no profisionalizmu atu servi no hadia rai ne’e ba interese estadu no povu nian.
"Ba estrutura ne'ebé ha'u hili ne'e, ha'u hatene partidu CNRT sei koalia barak, ita labele hare ba partidu, tanba Estadu ita nia hotu. Tanba ida ne'e atu fó misaun ida ba futuru, ba duni RAEOA ida ne'e. Tanba ita hotu tenki kumpritidu atu kurizi hahalok ne'ebé say, hoti Adomi sira ne'ebé hela iha foho leten ne'ebá bele hetan benifisiu ba buat neebe5ulik sira terus ba ne'e," dehan PM
Nune'e mos, Xefe Governu husu atu labele egoista no labele taka aan, simu ema hotu nia hanoin hodi hadi’a dezenvolvimentu Oé-Cusse nian ba oin, liu-liu dada bee-moos, hadi’a estrada no dada eletrisidade ba ba komunidade nia uma.
Iha IX Governu nia programa mós tau matan nafatin ba katuas no ferik sira ne’ebé governu konsidera nu’udar “Erois Vivos” sira tenki simu osan estadu nia molok sira mate, sira mós bele sente ukun aan ne’e.
PM Xanana mós husu ba Koordenadór Komisaun ZEESM-TL atu halo planu no programa di’ak, nune’e hadia dezenvolvimentu labele iha de’it Oé-Cusse vila, maibé tenki too ba área rurál hotu, hodi povu sente dezenvolvimentu too no besik ba sira.
"Depois de tinan hirak, final ZEEMS-TL maka estrada iha de'it pantai makasar. Iya 2020 ha'u mai hamas Oe-Kusse tomak, tanba problema Covid-19, povu lamenta buat barak, Estrada aat par mate, tanba ne'e senhor João Goncalves buka rezolve haleu Oe-kusse, banhira ita temi ekonomia sosial tenki dezenvolve ekonomia husi baze hodi povu hetan benifisiu.
Xefe Governu hatutan, governu mós hala’o autoria ba dokumentu sesta bazika ba gastu osan estaudu nian ne’ebé governu anterior implementa iha failansu barak maka mosu tenki kurizi no hadia iha sistema finansas no jestaun administrasaun nian no seluk tan.
"Malik sira ne'ebé Servisu hela iha RAEOA, dokumentu sira ini sunu lakon hotu, hanesan los iha DILI, dokumentus sira konaba sesta bázika sunu lakon hotu. Lahatene tauk se, ha'u la hatene lolos. Ida ne'e maka ita hotu tenki evita, maluk sira mai ita hamutuk hodi hadia,” PM preokupa.
Xefe Governu mós halo ona rezolusaun ida hodi haruka ba membru governu hotu-hotu halo indentifikasaun ba problema hotu ne’ebé mosu iha instituisaun estadu nian entrega primeiru-ministru hodi buka tuir rezolve durante mandatu tinan lima.
Iha parte seluk, PM Xanana husu atu Atoni oan tomak hakuak malu, loke aan hodi halo servisu boot ne’ebé atu hala’o servi povu hosi foho too tasi.
Enkuantu, Estrutura sira ne’e simu pose ho termu juramentu no asinatura ho kargu hanesan, André Lao, hanesan Sekretáriu Rejionál ba Administrasaun, Elvira Manat, hanesan Sekretáriu Rejionál ba Finansas, Luís de Jesus Neno, hanesan Sekretáriu Rejionál ba Saúde,Inácia Tamele, hanesan Sekretária Rejionál ba Edukasaun no Asuntus Sosiais, Filomena Sila, hanesan Sekretária Rejionál ba Agrikultura, no Marcelino Marques Coro, hanesan Sekretáriu Rejionál ba Terras no Propriedades, Rejistu no Notariadu no João Mendes Gonçalves hanesan Koordenadór Komisaun ZEESM-TL no Régio da Cruz Salu no Herculano de Sousa hanesan Vise-Koordenadór ZEESM-TL.

Rate this item
(0 votes)

Independente Digital TV